مشروع تخرجي من كلية الفنون الجميلة بالزمالك 2026
قسم جرافيك فنون الكتاب والوسائط المتعدده♥️♥️
فكره المشروع بتدور حوالين موال اسمه “صندوق الدنيا” من مقدمه فيلم الزوجه الثانيه من تأليف : صلاح جاهين
“صندوق الدنيا” موالٌ يختزل فلسفة الحياة مشبّهاً الأيام بصندوقٍ يملؤه التناقض والقصص.
ومن مقدمة فيلم “الزوجة الثانية”، يتدفق الموال ليعكس بمرارة مأساة البسطاء تحت وطأة حكمٍ مستبد.
^ موال صندوق الدنيا ^
الدنيا.. واللي في الدنيا / هنا كله.. في صندوق الدنيا
مد يا شاطر.. قبل ما يلعب/ قرب.. واتفرج ع الدنيا
أول هام/ الدنيا الحلوة اللى اسم الله عليك/ عارفها وشايفها من حواليك/
لا جت بالساهل ولا جت بالمال
تانى هام/ فيه ناس تعبت/ وناس غِلْبِتْ/
وتالت هام/ ناس هبشت في الدنيا وطِلْعِتْ/ وناس يا حَول الله وقعِتْ/ من قعر الدنيا
ورابع هام/ أقعد واتفرج على الدنيا: آدى الفلاحة التفاحة/ اللى في الغيط وفى بيوت الناس كداحة/ إسمها فاطمة/ تخبز أردب عشان قطمة
واتفرج ع الدنيا/ آدى الفلاح ياوَلَه/ اللى اسمه أبو العلا/ بيعزق أرض الغير/ ولا ينوبوش م الخير/ حَبَّة ولا خَرْدَله
واتفرج ع الدنيا/ آدى الست حفيظة/ على خزاينها حفيظة/ وآدى عتمان العمدة البائد، ثروته على ثروتها وراقد/ والاتنين نازلين لك سَفْ/ بس بيضربوا كَفْ فـ كَفْ/ علشان مامعاهمش العيل/ اللى م الأموال بيكيل
واتفرج ع الدنيا/ حدوتة مفيش أعجب منها، وكتير م الناس كانوا حاضرينها: “ده”، و”داهو”، و”داهيهْ”، و”داهيّا” و”داهوّه”/ وبص انت وهوّه/ واتفرج ع الدنيا.
🤍🤍🤍🤍🤍🤍
٠٠٠٠٠٠،٠٠٠٠٠،٠٠٠٠٠٠٠٠٠٠٠
