لو قلتلك إن في راجل عايش النهارده في إنجلترا، قرايبه عمره 9000 سنة، هتصدّق؟ ده بالظبط اللي حصل مع “رجل تشيدر”، الهيكل العظمي اللي اتلقى جوه كهف في منطقة سومرست جنوب غرب إنجلترا، وكان شاهد صامت على العصر الحجري الوسيط. في سنة 1997 قرر علماء من جامعة أكسفورد ياخدوا الحمض النووي من سنّة الحفرية ويقارنوه بعينات من سكان المنطقة، وهنا كانت المفاجأة الكبيرة: أدريان تارجِت، مدرّس التاريخ اللي ساكن جنب الكهف، طلع بيحمل نفس الخصائص الوراثية. والنتايج أكدت إن الاتنين ينتموا لسلالة عائلية واحدة مباشرة ما انقطعتش على مدى حوالي 300 جيل، وده يخلّيها من أقدم عمليات تتبّع الأنساب الموثّقة في التاريخ. يعني ببساطة، الماضي السحيق ممكن يكون أقرب لينا بكتير من اللي بنتخيّله.

# طراف Mindman#مجلة ايليت فوتو ارت.