🌸الكلانشو عندك ما بيزهر؟ … وشو سرها مع ضو الليل ؟!🤔
بتضل تسقي وتسمد، والنبتة بتكبر وبتطلّع ورق أخضر بس ؟
السر اللي بيخفوه عنك هو إن الكلانشو من “نباتات النهار القصير” (Short-day plants)
يعني مستحيل يعمل براعم تزهير إلا إذا عاش فترة “شتاء /ظلام اصطناعي”!
شوف هالسر والطريقة السحرية والمجانية اللي بتستخدمها المشاتل عشان تجبر الكلانشو يزهر بكثافة:
🌑 العزل في الظلام التام (أهم خطوة):
النبتة بتحتاج لـ 14 ساعة من الظلام المتواصل كل ليلة لمدة 6 أسابيع على الأقل
⬅️ حتى ضوء اللمبة الخفيف المستمر بالليل بيخرب العملية وممكن يمنع التزهير! دخلها خزانة معتمة أو غطيها بكرتونة من العصر (مثلا 5 مساء) لليوم الثاني الصبح …
☀️ إضاءة النهار:
بعد الـ 14 ساعة عتمة، طلع النبتة أو شيل الغطاء عنها لتعريضها لإضاءة ساطعة لمدة 10 ساعات في النهار !
“ابعدها عن الحر الشديد أو شمس الصيف القوية “
💧 عطشها شوي:
خلال فترة الـ 6 أسابيع، قلل الري واسقِ فقط لما تنشف التربة بالكامل؛ لأنك هيك بتحاكي فترة السكون الطبيعية للنبتة.
✂️ تنظيف النبتة:
تخلص دائما من أي زهور قديمة وجافة وقص سيقانها عشان تحفز النبتة وتوفر طاقتها للبراعم الجديدة.
🌸 بعد حوالي 6 أسابيع من هذا الروتين، رح تتفاجأ بظهور كميات هائلة من البراعم الجديدة، ووقتها رجعها لمكانها الطبيعي واستمتع بألوانها لأشهر!
……..
💬 كنت تعرف معلومة “الظلام التام” قبل هيك ؟
اكتبولنا ألوان الكلانشو عندكم في التعليقات 👇
وشاركوا صورها 👇🌿
……..
#الكلانشو #نباتات_زينة #نباتات_داخلية #زراعة_منزلية #حديقتي#مجلة ايليت فوتو ارت.
