الجبار والشعري اليمانية والشامية.. حكاية من أجمل حكايات نجوم السما! 🌌
الفترة دي من أجمل فترات السنة لرصد مجموعة من ألمع نجوم السماء، وعلى رأسها نجم الشعرى اليمانية، ألمع نجم في سماء الليل، ومعاه كوكبة الجبار المهيبة، والشعرى الشامية اللي ليها حكاية تانية خالص! 🔭
ومعاهم سهيل اللي مش في الصورة دي … وكل نجم من دول وراه حكاية تستحق إننا نبص للسما عشان نسمعها. ✨
المشهد ده تقدروا تشوفوه حاليًا في سماء الليل!
بصوا للصورة كويس! 👀
⭐ أسفل منتصف الصورة: الشعرى اليمانية (Sirius)، ألمع نجم في سماء الليل.
⭐ على شمالها: الشعرى الشامية (Procyon)، اللي ارتبطت في الحكايات الشعبية بقصة أختها اليمانية.
⭐ في أعلى الصورة: كوكبة الجبار (Orion)، تقدروا تميّزوها من التلات نجوم المصطفين في حزام الجبار.
🌌 وشريط النجوم الكثيف الممتد في الصورة هو جزء من درب التبانة، مجرتنا، اللي تخيّلها الأقدمون نهرًا سماويًا يفصل بين الأختين.
📖 طب الأسطورة بتقول إيه؟
كانوا بيحكوا إن الشعرى اليمانية والشعرى الشامية أختين، وإن اليمانية هربت مع سهيل وعبرت نهر المجرة، بينما فضلت الشامية تبكي على فراق أختها، لحد ما غمّصت عينيها من الدموع، ومن هنا جه اسمها الشعبي «الغميصاء».
أما سهيل، فده بقى الـ Bad Boy بتاع الحكاية! 😂
والحقيقة إن أجمل حاجة في السما إنك ممكن تشوف فيها علم الفلك بعينك، وتسمع حكايات الأولين بخيالك، وتكتشف إن النجوم اللي بنحكي عنها النهارده هي نفسها اللي أبهرت أجدادنا من آلاف السنين. ❤️✨
#عالم الفلك والنجوم#مجلة ايليت فوتو ارت.
