النهارده عيد ميلاد …..بهاء ❤️

أول عيد ميلاد يعدّي علينا من غيره، ومن غير وجوده وسطنا.
بهاء كان إنسان جميل بكل معنى الكلمة، شهم، طيب، جدع، وقلبه أبيض، وكل اللي عرفه كان بيحبه.

كان أصغر إخواته الصبيان ، لكن كان الكبير في وقفته جنبهم دايمًا بيعمل كل حاجة، وبيطمن على كل واحد في الاسره، ويسأل عن الكبير والصغير، وكان وجوده وأمانه فارق معانا كلنا.

قضى آخر فتره من حياته في المستشفى، وصارع المرض بكل قوة، لحد ما ربنا اختاره إليه يوم 25 /٥

النهارده بدل ما أقول له: كل سنة وإنت طيب يا بهاء، بقول:
كل سنة وإنت في رحمة ربنا ونوره، يا أخويا وحبيبي.

وحشتني يا بهاء… وحشني وجودك وضحكتك وكلامك، ووحشني إنك تكون وسطنا.

بهاء مش هيتنسي، وعمره ما هيتعوض.

أطلب من كل واحد يشوف البوست ده يفتكره بدعوة من قلبه:
اللهم اغفر له وارحمه، وعافه واعفُ عنه، وأكرم نزله، ووسع مدخله، واجعل قبره روضة من رياض الجنة، واجمعنا به في الجنة من غير فراق.

الفاتحة والدعاء لأخي بهاء. 🤲🏻❤