البوست ده أهم بوست في حياتك هتقراه عن القرفة! ⛔
لو كنت فاكر إنك تعرف كل فوايد القرفة هتعرف إنك كنت غلطان🤐
ولو فاكر إنك بتشتري وتستخدم “القرفة الأصلية”، برضه هتكتشف إنك كنت غلطان! ❌
تعالي اقولك حبه معلومات بعدها هتعرف قيمه القرفه وامتي تستخدمها وانهي نوع👌
🏆 اولا
القرفة تعتبر من أكتر البهارات والتوابل في التاريخ اللي اتعمل عليها دراسات وأبحاث علمية وإكلينيكية. 🔬
وفي دراسة شهيرة قارنت بين 26 نوع من أقوى البهارات والتوابل في العالم،
القرفة فازت باكتساح واحتلت “المركز الأول” على مقياس (ORAC) كأغنى مصدر بمضادات الأكسدة (البوليفينول)، متفوقة على الثوم والأوريجانو! 🥇
طيب تعرف ايه معجزات القرفة الصحيه👈
:
⛔محاكاة الإنسولين بالدم:
غنية بمركبات (Procyanidin Type-A) اللي بتفتح مستقبلات الخلايا لسحب السكر وتثبط إنزيمات هضم النشويات بنفس آلية أدوية السكر.
⛔ كمان مركب “السينامالديهيد” بينشط مستقبلات الأمعاء لإفراز هرمون الشبع (GLP-1) ويبطئ حركة الجهاز الهضمي وتفريغ المعدة، فيمنع قفزات السكر بعد الأكل بنسبة 29%
بنفس اليه ابر التخسيس الحديثه
⛔ بتنشط جينات (UCP1) اللي بتحول الخلايا الدهنية البيضاء العنيدة لدهون بنية تحرق نفسها وتولد طاقة
يعني بتحول جسمك لماكينه حرق دهون
⛔ بتخفض الكوليسترول الضار (LDL) والدهون الثلاثية بنسبة توصل لـ 30%،
وبترخي الأوعية الدموية للمساعدة في خفض الضغط المرتفع.
⛔ و في دراسة بجامعة كولومبيا أثبتت قدرتها على كسر مقاومة الإنسولين داخل المبيض
، وبالتالي بتعيد انتظام الدورة الشهرية ويحسن التبويض
وتعالج التكيسات
⛔ كمان بتمنع تراكم بروتينات (Tau) المسببة للزهايمر وتحمي الدوبامين
، والكبد بيحولها لـ “بنزوات صوديوم” ينشط بروتينات الذاكرة (CREB) في المخ
عشان كده بتزود التركيز وسرعه الاستيعاب والفهم يعني ممتازه لعيالنا اللي بيذاكروا
⛔لدرجه ان في دراسة أثبتت إن استنشاق ريحة القرفة لوحده بيرفع كفاءة الذاكرة، وسرعة البديهة، والتركيز البصري الحركي.
⛔حتي في المعده بتبرد حرارتها أثناء الهضم بمقدار درجتين مئويتين، وتقلل غازات التخمر وتحمي جدارها.
⛔ ده غير انها بتقضي على فطريات “الكانديدا” والسالمونيلا،
وبتقتل بكتيريا تسوس الأسنان والتهاب اللثة وريحة الفم الكريهة.
👈نيجي بقي للمفاجأه الصادمة 😨سر القرفة “المزيفة”!
90% من القرفة الموجودة في بيوتنا وعند العطارين هي “قرفة كاسيا” (القرفة الصيني) اللي الناس بتقول عليها “مزيفة”، مش قرفة “سيلان” الأصلية! 🧐
بس الصدمة الحقيقية؟ 💥
إن أغلب الدراسات العلمية الشهيرة اللي حكينا عنها فوق اتعملت أصلاً على “القرفة الصيني” دي!
وده لأن القرفة الصيني غنية جداً بمركب “السينامالديهيد” النشط (بيوصل لـ 95% من زيتها) ومليانة بمركبات تظبيط السكر، وفي نفس الوقت سعرها رخيص ومتوفرة لكل الناس. ✅
طيب إيه مشكلتها وليه بيقولوا عليها مزيفة وخطر🤔
لأن القرفة الصيني فيها مادة طبيعية سامة ومجهدة للكبد اسمها الكومارين (Coumarin)، والمادة دي موجودة في الصيني بنسب أعلى من القرفة السيلاني بـ 60 لـ 250 ضعف! ❗
وعشان تفرق بينهم بعينك في المطبخ: 🔍
🪵 القرفة الصيني (كاسيا): عود خشب من طبقة واحدة تخينة وناشفة جداً، ملفوفة على فاضي، لونها غامق وطعمها حامي ولاذع.
🌿 القرفة السيلاني: طبقات رقيقة كتير محشية جوه بعض زي “السيجار”، لونها بني فاتح، سهلة الكسر بالإيد وطعمها هادي.
( هسيبك الفرق في بوست كنت عامله في اول تعليق)
😱طيب تعمل إيه.. تاخد القرفة الصيني ولا ما تاخدهاش؟
تاخدها طبعاً وتستفيد بكل فوايدها، بس السر إنك “تاخدها صح”! 👌
☑️اولا
مركبات تظبيط السكر بتدوب في المية، لكن جزء كبير من سم “الكومارين” شحيح الذوبان وبيفضل محبوس في الخشب؛
انقع عود القرفة الحصى في مية مغلية واشرب المنقوع الصافي من غير ما تبلع البودرة والتفل.
❌ ما تشتريهاش مطحونة جاهزة:
لان التقارير كشفت إن تلت عينات القرفة المطحونة في الأسواق ملوثة بالرصاص السام؛ اشتريها عيدان واطحنها في البيت لو محتاجها بودرة.
⛔ و لو هتستخدم بودرة القرفة الصيني، آخرك من ربع لنص معلقة صغيرة يومياً،
وريح الكبد يومين في الأسبوع (ولو هتمشي على كورس علاجي يومي مستمر لشهور، يبقى تشتري السيلاني).
⛔ ومن اشهر الخرافات شرب القرفه باللبن
بروتين “الكازين” اللي في الحليب بيمسك في مضادات الأكسدة بتاعة القرفة، وده بيضعف فايدتها ويأخر امتصاصها، فاشربها سادة.
اهم نقطه🚩🚩
🚩 الإفراط في القرفة بينشط مستقبلات الكبد (PXR)، فيكسر ويطرد أدوية الضغط والسكر والاكتئاب من الجسم قبل ما تشتغل!
خطر النزيف الداخلي: الكومارين اللي في القرفة الصيني هو المركب اللي اتصنع منه دواء السيولة “الوارفارين” (الماريفان)، فالإفراط فيها مع أدوية السيولة بيضاعف خطر النزيف.
.
⛔ الفئات الممنوعة من الجرعات العلاجية: مرضى الكبد، الحوامل (لأن الجرعات العالية بتنشط انقباضات الرحم)، مستخدمو أدوية السيولة، ولازم تتوقف قبل أي عملية جراحية بأسبوعين لتجنب هبوط السكر والنزيف.
دلوقتي قوم بص على عود القرفة اللي في مطبخك.. 👀
طلع طبقة واحدة تخينة وناشفة (صيني) ولا طبقات رقيقة زي السيجار (سيلاني)؟ 🤔
وكنت بتشربها منقوعة عيدان سادة ولا بودرة باللبن
#الطب الشعبي#مجلة ايليت فوتو ارت.
