المراجع والمصادر:
مواقع إجتماعية- فيس بوك
مرسي جميل عزيز وفيروز والرحابنة.وقصيدة :سوف أحيا .في مصر عام ١٩٥٥م
مرسي جميل عزيز وفيروز والرحابنة
وجدي الحكيم بيحكي
عن فيروز
وزوجها عاصي وشقيقه منصور
ولقاء مرسي جميل عزيز
وقصيدة : سوف احيا
وجدي الحكيم بيحكي بيقول
إحنا بعتنالها دعوة علشان تيجي مصر في شهر العسل بتاعها.
ردت علينا وقالت إنها مش حابة هي وجوزها ينزلوا في أوتيلات، علشان مش هياخدوا راحتهم من الناس اللي بتتجمع حواليهم.
وطلبت شقة في الزمالك، لكن بشرط… تكون شبه شقتهم اللي عايشين فيها في الحازمية.
وفعلًا، بعتولنا صور الشقة، وفضلنا ندور ونبحث كتير جدًا.
الزمالك وقتها كانت من أرقى الأماكن في مصر، والحمد لله لقينا شقة زي ما هي عايزة بالظبط، وحجزناها.
وبعدها شرفونا في مصر.
أنا أياميها كنت مرافق ليهم،
وكانت جاية هي وجوزها عاصي الرحباني، وأخوه منصور.
ومن أول يوم وصلوا قالولي:
“إحنا عايزين مرسي جميل عزيز.”
مرسي شاعر كبير جدًا، لكن له طقوسه.
كان ينزل القاهرة يخلص شغله وكل اللي مطلوب منه، ويرجع على بيته في الزقازيق، وسط مراته وأولاده.
يعني مستحيل العصر يأذن ويكون هو لسه موجود في القاهرة.
بس لما كنا نحتاجه معانا، كنا نعمل فيه مقالب…
زي مثلًا نتصل نقول له: “تعالى بسرعة يا مرسي… عبدالحليم تعبان!”
فكان يصدقنا وييجي، بس مع الوقت بطل يصدق.
فيروز لما طلبته، كان هو في بيته وقتها.
قولتلهم: “والله لو كلمته، هيفتكر إني بعمل فيه مقلب!”
قالولي: “بس حاول.”
رنيت عليه…
رد قالي: “فيه إيه؟!”
قولت له: “يا مرسي، فيروز وعاصي هنا في مصر وطالبينك.”
قال: “طب إديهم التليفون أتاكد.”
عاصي الرحباني مسك التليفون وقال له: “أهلين.”
مرسي قاله: “اقفل… أنا جايلك.”
وبالفعل جه… وبات معاهم الليلة كاملة.
تاني يوم كلموني وقالولي: “احجزلنا الاستوديو.”
أنا استغربت جدًا!
يا جماعة، إنتوا لسه جايين من السفر امبارح! حتى ما لحقتوش ترتاحوا!
قالولي: “لأ، احجزلنا الاستوديو…
إحنا امبارح عملنا مع مرسي قصيدة جميلة جدًا اسمها
(سوف أحيا)
ويعتبرها النقاد “نقطة فارقة” في مسيرتها، نظراً للجمع بين صوتها المرهف وكلمات مرسي جميل عزيز وألحان الأخوين الرحباني .
المصري: مرسي جميل عزيز
شاعر الألف أغنية
قصيدة: سوف أحيا
غناء فيروز عام ١٩٥٥م
ألحان الأخوين رحباني
و مرسي جميل عزيز هو شاعر مصري رائع، وقد وُصف بأنه “شاعر الألف أغنية”، لما أبدعه من أعمال متنوعة للفن المصري والعربي.
الأغنية سُجلت في القاهرة عام 1955
Fayrouz | فيروز | Fairouz
القصيدة كاملة
سوف أحيا
- كلمات: مرسي جميل عزيز
- ألحان: الأخوين الرحباني
لِمَ لا أحيا وظلّ الوردِ يحيا في الشـِّـفاهْ
ونشيدُ البلبلُ الشادي حياةٌ لِهَواهْ
لمَ لا أحيا وفي قلبي وفي عيني الحياهْ
سوف أحيا .. سوف أحيايا رفيقي نحنُ من نورٍ إلى نورٍ مَضَينا
ومعَ النجم ذهبنا ومع الشمس أتينا
أينَ ما يُدعى ظلاماً يا رفيقَ الليلِ أينَ؟
إنّ نورَ اللهِ في القلبِ وهذا ما أراهْ
سوف أحيا .. سوف أحيا
ليسَ سرّاً يا رفيقي أنّ أيّامي قليلةْ
ليس سرّاً إنّما الأيّام بَسْماتٌ طويلةْ
إن أردتَ السرَّ فاسْأل عنه أزهار الخميلةْ
عـُـمرها يومٌ وتحيا اليومَ حتى مُنتَهاهْ
سوف أحيا .. سوف أحيا
*********
معرض الصور:
****************