محمد صبحي بعد الحملة الشرسة الموجهه اللي طالته بعدما هاجم فيلم الست اتسأل: هل شوفت الست أم كلثوم في حياتها قبل كده؟

صبحي حكى وقال: 👌أيوا؛ ..كنت عيل وشغال على شباك تذاكر حفلاتها وباخد جنيه في اليوم؛… وفي مرة قررت أفرتك كل اللي معايا واشتريت تذكرة صف أول بـ ٣ جنيه..

وفي ليلة الحفلة دخلت أقعد جنب الباشوات 🎩🎙️ مستني الست تطل علينا عشان أتسلطن وأملي عيني منها عن قرب، لكن لقيت مدير الصالة جاي لي بيطلب مني أرجع أقعد ورا عشان أم كلثوم عايزة الكرسي تجامل بيه ضيف عزيز من برا مصر، لكني رفضت وطلعت تذكرتي وقولتله: ده مكاني ومحدش هيقعد فيه غيري..🤚

بيكمل صبحي👈 مدير الصالة وشه احمر وراح للست حكالها، فقالتله طب هاتهولي؛ وخدني في ايده لأوضة أم كلثوم،…..؟ ولما شافتني ضحكت وقالت له: ايه دااه ده عيل .. وقالتلي: يا شاطر انا عايزة الكرسي لضيف أجنبي وهرجعلك حق التذكرة.. لكني رفضت بأدب وقولتها: اعذريني أنا مصري وليا الفخر إني من البلد اللي فيها الست أم كلثوم، وأحق بالكرسي بتاعي عن أي حد جاي يسمعك من برا..🪑

الست ضحكت من ملاوعتي وقالت لي: بلاش غلبة يواد.. سيب الكرسي وأنا هعوضك، وخلتني أقعد في كواليس المسرح وكل أغنية تقفلها وهي بتبصلي كأنها بتغنيلي لوحدي، وبعد الحفلة ندهت لي وسألتني: هاه انبسط؟ قولتلها أوي يا ست متشكر.. قالت لي طب خد الظرف ده..💌

صبحي قال ال ٣ جنيه بتوعي رجعولي حلو أوي كده اتعشت؛ لكن المفاجأة بيفتح الظرف لقى فيه ٥٠ جنيه.. وده كان أسعد يوم في حياته .. سمع الست من قريب وشافها واتكلم معاها وروح بظرف بيساوي يومية ٥٠ يوم شغل في شباك التذاكر.. عشان كده صبحي بيجزم: التصرف ده عمره ما يطلع من واحدة بخيلة دي الكرم كله..💯💓