Ibrahim Alhomssi
من صفحه
حل المشكلات و الصعوبات و الأمراض النفسية – من وجهة نظر “نظام العائلة الداخلي” – مش هو التخلص، و الاستئصال، و الرفض.. الحل هو الاقتراب، والفهم والتصالح.
أقرّب من أجزاء نفسي.. و اقبلها كلها على بعضها.. فكل جزء ياخد حجمه.. و يرجع مكانه.
افهم كل حتة مني.. وأحتويها و أستوعبها.. فتحميني بجد.. بدل ما كانت تؤذيني، و هي متصورة إنها بتحميني.
أتصالح مع نفسي.. أتراضى معايا.. أتراحم بيا.
اقبل الجزء العنيد اللي جوايا.. ماهو حماني من الاضطرار إلى الاستسلام.
اقبل الجزء الفاشل مني.. ماهو كان إعلان لرفض الواقع الضاغط.
أقبل الجزء المكتئب.. ماهو حاش عني صخب الحياة وخذلان الناس.
أقبل الجزء الجبان.. والجزء المقصر.. والجزء الغبي.. والجزء الغشيم.. والجزء الغلطان.. والجزء المجنون.. والجزء المُعاقِب.
إنت بقى.. وأنا.. وكل واحد فينا.. محتاج يشوف البجعة السودا اللي جواه، ويستحمل اللي هيشوفه.. ويقبله.. ماينكروش ولا يخاف او يهرب منه.
يمكن نكتشف عن نفسنا حاجة جديدة..
يمكن نكمل اللي ناقص منها.. بيها..
يمكن نلحم الطيبة بشوية دهاء..
يمكن نضيف للتهذيب شوية جرأة..
يمكن نخلط مع الخجل شوية إقدام.
يمكن نكتشف إن المثالية الحقيقية بتبدأ من قبول الأجزاء اللي مش قابلينها في نفسنا، وجمع الأجزاء دي في كل واحد متكامل
و أن الجمال الحقيقي هو شوية من الأبيض على شوية من الأسود.. بينهم كل ألوان الطيف.
شوية من الوجه على شوية من الضلمة.. بينهم كل درجات النور.
وإن الكمال الحقيقي هو التحام فجورها.. بتقواها..
وتكاملهم..
والتحامهم..
ثم التئامهم..
وإن هو ده أصل الطريق..
وإن هو ده شرف الرحلة..
رحلتك انك تكون: ((واحد صحيح))

* – د. محمد طه
* – مشاركة سهير صابور
***************************
– المصادر:
– الإتحاد العربي للثقافة
– صفحة المواهب الفوتوغرافية
– موقع :Role- بي بي سي
موقع : عالم التقنية
https://p.dw.com- موقع ألمانيا
– المصدر: https://dantri.com.vn
– موقع عكاظ
– موقع الشرق الاوسط
– موقع رؤية
– جائزة هيبا www.hipa.ae
– موقع الإمارات اليوم
مواقع تواصل إجتماعي – ويكيبيديا.
– موقع: ويب طب www.webteb.com
– موقع الشرق
– موقع اليوم السابع
– العربية.نت
– موقع: دبي، الإمارات العربية المتحدة (CNN)
– موقع الجزيرة.نت
موقع : مصراوي
موقع: إيليت فوتو آرت
https://elitephotoart.net
– مواقع: الصحافة الأجنبية