طبعا كلنا عارفين الخناقة اللى كانت بين عزالدين ذو الفقار و فاتن حمامة ـ فى فيلم موعد مع السعادة ١٩٥٤ الخناقة يا جماعة استمرت لمدة 8 شهور بسبب رفض فاتن حمامة أن تعمل ابنتها نادية فى العمل السينمائى و هى صغيرة ـ حتى لا تُصبح شخصية مغرورة جدأً.
عز الدين ذو الفقار كان مُصمم على رأيه
و قال لفاتن لحمامة ، إن ابنته لازم تشتغل الفيلم دا..
فاتن حمامة قالت لزوجها ( عز الدين ذو الفقار ) . أنا مش هكمّل معاك الفيلم دا ـ و اللى ممكن تعمل الدور بتاعى زهرة العُلا
- فرد عليها عز الدين ذو الفقار : انتى اللى هتكملى الفيلم غصب عنك ـ إنتى عليكى شرط جزائى كبير.
فى يوم من الأيام بعد نجاح الفيلم دا .
،، كانت نادية فى المدرسة و فى زميلة ليها كانت بتلعب معاها و فجأة قامت نادية بصفع زميلتها على وشها ـ و قالتلها : أنا بنت فاتن حمامة ـ أنا بطلع فى السينما زيها .. إنت مين بقى ؟.. تلاقيكى ولا حاجة.
فاتن حمامة سمعت القصة دى من بنتها ـ و قررت ان تذهب للمدرسة في اليوم التالي و كانت المدرسة فى حالة سعادة .. و كان كل المدرسين و التلاميذ عاوزين إمضاء منها للأوتوجرافات بتاعتهم فطلبت فاتن حمامة من ناظر المدرسة أن تقول كلمة فى طابور الصباح فى الميكروفون
فقالت أنا بعتذر بالنيابة عن ابتنى و بعتذر للتلميذة الصغيرة و بعتذر لكل من رأى منى أو من ابنتى سلوك مُهين فأنا لا أعمل إلا من أجل إسعادكم و لا أعمل من أجل أن أسبب لكم تعاسة أو ألم فكم أشعر بالخجل فكيف أُقدّم لكم القدوة و أنا لم أُنجب ما ترفع رأسى أمامكم يا أبنائى أتقدم باعتذارى للسادة المدرسين الذين عرفوا أن نادية ابنتى و بالتأكيد أصابهم الغضب لأننى لم أُحسن تربيتها. سامحونى جميعاً فأنا مُخطئة ـ لأننى تركت بذرة الغرور تنمو فىعقل ابنتى الصغيرة.
،، بل و أتحمّل أى عقاب تستحقه ابنتى ـ و استحقه أنا أيضاً .. من أمن العقوبة أساء الأدب.
فجرى التلاميذ جميعهم على الفنانة فاتن حمامة واحتضنوها - ***********
- المصادر:
- – موقع : صحف مصرية
- – موقع سبق- اليوم السابع
- – الإمارات اليوم
- – العربية .نت – الجزيرة .نت
- -صحيفة الثورة السورية
- – موقع المصرى اليوم – موقع عكاظ
- – مواقع تواصل إجتماعي – فيس بوك – ويكبيديا
- – مجلة فن التصوير
- – إيليت فوتو آرت: https://elitephotoart.net
- ********
