محمد الحلو من مواليد سنة 1924ـ واحد من أشهر مروضي الأسود في مصر والوطن العربي
كان عنده سيرك خاص بيه والناس، كانت بتيجي من كل مكان، كبار وصغيرين علشان تشوف العروض 🪅🎪🏟️
اللي كان بيقدمها ،  وأقرب رفيق ليه كان الأسد سلطان  ، شبل رباه الحلو  وكبره  هو و  عشرات النمور وكان سلطان بيشارك دايما مع الحلو في العروض،  وفي ليلة من ليالي السيرك سنة 1984 العرض كان ماشي طبيعي   والتصفيق كان  عالي وبعد ما خلص محمد الحلو لف عشان  يحيي الجمهور زي عادته وفي ثانية واحدة كل حاجة اتقلبت،  الأسد سلطان نط فجأة وغرز مخالبه في ضهر وكتف مدربه وعضه بأسنانه الحادة 💔
الحلو وقع على الأرض وسلطان وقع فوقه وسط صريخ الجمهور وحالة ذعر غير عادية الأمن اندفع وابن محمد الحلو حاول يخلص أبوه بالكراسي الحديد وبعد صراع قدروا يبعدوا الأسد لكن الإصابة كانت قاتلة، واتنقل محمد الحلو للمستشفى وفضل أيام بيعاني لحد ما توفى
أما الأسد سلطان فمن اللحظة دي إتغير تماما انطوى على نفسه و رفض الأكل وبقى في حالة اكتئاب شديدة وإدارة السيرك قررت نقله لحديقة الحيوان لأنه مابقاش ينفع للعروض
في الحديقة إستمر على إضرابه عن الطعام وحاولوا يخرجوه من حالته فدخلوا ليه أنثى أسد بس هجم عليها بعنف وطردها ورجع لعزلته بعدها دخل في حالة جنون وبدأ يعض نفسه قطع ديله بسنانه وعض دراعه نفس الدراع اللي أذى بيها مدربه
وفضل ينهش في جسمه لحد ما إصاباته بقت بالغة وفي النهاية مات الأسد سلطان 💔
قبل ما محمد الحلو يرحل قال وصيته محدش يقرب من الأسد سلطان ولا يقتله وكان بيفكر في الأسد سلطان مش عاوزه يتأذي ، لكن الاثنين ماتوا بطريقة مأساوية

السؤال الأهم ليه الأسد عمل كده في صاحبه ؟ الناس اللي كانت بتشتغل مع الحلو  قالوا إن الوقت ده كان موسم تزاوج وكان في صراع بين سلطان وأسد تاني إسمه جبار على أنثى الأسد في السيرك القومي ومحمد الحلو تدخل يفصل بينهم وسلطان حس إن مدربه إنحاز ضده وظلمه والغضب اتخزن جواه لحد ما إنفجر في لحظة العرض🔥🎪🔥
وللأسف الموضوع إتكرر مع عيلة الحلو مرة تانية
في سنة 2014  مدحت كوته مدرب الأسود وأحد أبناء عيلة الحلو كان داخل القفص بيقدم العرض بشكل طبيعي وفجأة حصلت مواجهة عنيفة بين أسد إفريقي وواحد تاني  روسي بسبب الغيرة والتنافس داخل القفص وحاول مدحت كوته التدخل  عشان يفصل بينهم زي ما كان متعود
لكنه في لحظة اتفاجئ بالأسد الإفريقي بيهجم عليه بشكل مفاجئ ووقعه على  الأرض وفي مشهد مرعب انقضت عليه الأسود بشكل جماعي وسط صريخ الجمهور
وفي اللحظة الحرجة دي اقتحم المدرب عصام الحلو القفص وضرب  أعيرة نارية في الهوا
عشان يخوف الأسود فاضطرت انها تتراجع وقدروا يخرجوا مدحت كوته من القفص واتنقل فورا للمستشفى وكانت إصاباته خطيرة وخضع للعلاج لفترة طويلة لحد ما تعافى ورجع لحياته من جديد الحادثة دي كانت واحدة من أخطر الحوادث في تاريخ عيلة  الحلو وأكدت قد إيه التعامل مع الأسود دايما محفوف بالمخاطر مهما كانت الخبرة
************************
المصادر:
– موقع رؤية
– جائزة هيبا www.hipa.ae
– موقع الإمارات اليوم
مواقع تواصل إجتماعي – ويكيبيديا.
– موقع: ويب طب www.webteb.com
– موقع الشرق
– موقع اليوم السابع
– العربية.نت
– موقع: دبي، الإمارات العربية المتحدة (CNN)
– موقع الجزيرة.نت
موقع : مصراوي
موقع: إيليت فوتو آرت
https://elitephotoart.net
مواقع: الصحافة الأجنبية