الأصغر والأخف كاميرا سينمائية EOS C50 فول- فريم من شركة كانون

الأصغر والأخف كاميرا سينمائية

EOS C50 أصغر وأخف

كاميرا سينمائية فول-فريم من كانون

كشفت كانون عن كاميراتها الجديدة الـ EOS C50،الأصغر والأخف في سلسلة Cinema EOS.

والسؤال اللي بيدور بين المصورين دلوقتي

هل الكاميرا الجديدة هتكون الوريث لـ Canon EOS R5 C الهجينة؟ تعالوا نشوف ايه الجديد في الكاميرا

تصميم الكاميرا بسيط وموجه لمصوري الفيديو، مفيهاش (EVF)، وفيها مصباح Tally أمامي،

و مصباح مؤقت ذاتي بيساعد الأوتوفوكس يلقط أسرع، و دراع للتحكم في زوم العدسات الـ Power Zoom (زي RF 24-105mm f/2.8 L Z) .

وفتحات أمامية وخلفية للتبريد، وفتحات تثبيت لمحولات العدسات الثقيلة،

و زراير للتخصيص تقدر تخصصهم للوظايف اللي انت محتاجها، غير الزراير الأساسية.
السينسور بتاعها CMOS فول-فريم بدقة 32 ميجابكسل (7K) مع Dual Base ISO عند 800 و6400 في Canon Log 2،

و dynamic range بيوصل لـ 16 stop (أعلى من 14 في R5 C)، ومعالج DIGIC DV7 لتسجيل Cinema RAW Light لحد 7Kp60 بعمق 12 بت.

و الكاميرا هي أول كاميرا في خط EOS تدعم تسجيل 3:2 Open Gate فول-فريم ،

و ده معناه أن الكاميرا بتستخدم كل مساحة السينسور للتسجيل (مش بس 16:9)،

وده بيديك حرية أكتر و أنت بتعمل (Crop) في المونتاج.وبتدعم استخدام عدسات أنامورفيك 1.5x للي بيحب الشكل السينمائي.

ده غير الصيغ الكتير اللي ممكن تسجل بيها Cinema RAW Light (بأنواعه ST وLT وHQ)،

فبتسجل RAW 12 بت لحد 7K30 في وضع HQ، و لحد 7K60 في ST وLT . و و الـ XF-AVC وXF-HEVC S،

و دي صيغ مضغوطة بجودة عالية .و كمان بتسجل 4K 10Bit 4:2:2 لحد 120fps وده بيديك Slow Motion احترافي.

مش بس كده الكاميرا فيها ميزة جديدة وهي و إنك هتقدر تسجيل فيديو أفقي وعمودي في نفس الوقت ،

وهي الكاميرا الوحيدة في كاميرات كانون اللي فيها الميزة دي.

ورغم أن الكاميرا موجهة لمصوري الفيديو لكن ده ميمنعش

ان فيها إمكانيات مميزة للتصوير الفوتوغرافي فبتصور بدقة 32 ميجابكسل بسرعة(40 f /s)

مع تتبع كامل وتركيز آلي. ومدى ISO من 100 – 64,000 (وبيوصل لـ 512,000).

ووضع التصوير المسبق أو (Pre-continuous shooting) .
والكاميرا فيها wifi مدمج ،

ودعم Ethernet من خلال USB-C ،وفيها دعم Frame.io Camera to Cloud

ودي ميزة رهيبة هتقدرمن خلالها ترفع الفيديوهات مباشرة على الكلاود وإنت بتصور الكاميرا، والتيم يقدر يشتغل عليها فورًا من أي مكان.

الكاميرا وزنها خفيف، فالكاميرا من غير(المقبض وحامل الميكروفون) 665 جرام،

و بالملحقات وزنها لـ 1110جرام .
وفيها touch screen ٣إنش Fully Articulating تلف في كل الاتجاهات،

مريحة للتصوير بأي زاوية
و فيها بطارية LP-E6P الجديدة اللي بتوفر 90 دقيقة تصوير متواصل و ده ضعف اللي كانت البطارية القديمة بتوفره.

و الكاميرا هتكون متوفرة في الأسواق في نوفمبر الجاي و سعرها هيكون 3,899 دولار.
قولولنا في التعليقات ايه رأيكم في المزايا الجديدة في الـEOS C50 ،

وشايفين انها ممكن تفرق ازاي مع مصوري الفيديو، وهل فعلا هي وريث الـ R5 C؟
المصدر:

https://petapixel.com/2025/09/09/full-frame-canon-eos-c50-is-canons-smallest-and-lightest-cinema-camera/
https://petapixel.com/2025/09/09/is-the-canon-c50-the-r5-c-successor-people-have-been-waiting-for/

*****************