🎬 ٥ مصطلحات مهمة لو نفسك تدخل عالم السينما سواء كصانع أفلام أو كاتب السيناريو
وقت التحضير والتصوير هتسمع مصطلحات كتير… ولو أول مرة تسمعها ممكن تحس إنك تايه وسط الفريق.
جمعنالك ٥ مصطلحات تبدأ بيهم 👇

1) Video Script
ده شكل من أشكال السكريبت بيتكتب في عمودين:
– العمود الأول للصورة (إيه اللي بيظهر؟)
– العمود التاني للصوت والحوار.
وبنستخدمه في الإعلانات، الفيديوهات التدريبية، الأفلام الوثائقية… وكل حاجة فيها صورة وصوت ماشيين مع بعض.

2) Timecode
الـ Timecode هو “توقيت” كل لقطة في شريط الفيديو:
ساعة – دقيقة – ثانية.
وده مهم جداً وقت تفريغ المشاهد بعد التصوير علشان المونتير أو الايديتور يعرف يشتغل صح… ويرتب اللقطات والمشاهد بالشكل المطلوب.

3) Practical
ده أي مصدر ضوء بيظهر في المشهد…
اللمبة اللي في الكادر؟ الشمعة؟ كشاف العربية؟
ده اسمه Practical.
وبيفرق جدًا في الشكل النهائي للمشهد.

4) Shooting Script
السكريبت اللي بيستخدمه المخرج وقت التصوير.
ده مش نسخة للقراءة ، النسخة دي بيكون فيها معلومات تقنية كتير زي تقسيم المشاهد، ترقيم المشاهد، موقع الكاميرا والمعدات، وتحضيرات طاقم التصوير.

5) Foreground
أقرب جزء من الصورة لعدسة الكاميرا…
أول حاجة عين المشاهد بتشوفها قبل أي عنصر تاني في الكادر.

#Blue_Cherry_Workshop
#كتابة_السيناريو
#تشريح_السيناريو
#Filmmaking
#Screenwriting

***&&&***
المصادر:

– جائزة هيبا – الإمارات اليوم – القدس العربي
– موقع المستقبل – موقع سينماتوغراف 
– مجلة فن التصوير الإلكترونية. 
– إيليت فوتو آرت: https://elitephotoart.net
*********