الفنانة مريم فخر الدين.ممثلة مصرية إعتزلت بفيلم “الأيدي الناعمة” 1963م

الفنانة مريم فخر الدين

أخفت السبب الحقيقي عن الجميع وكشفته لزوجها فى اخر لحظة ..

لماذا قررت مريم فخر الدين الاعتزال بعد فيلم “الأيدي الناعمة”؟

وهى بتصور مشهدها الأخير فى فيلم “الأيدي الناعمة” 1963م

إعتزلها الفن:

فاجئت مريم فخر الدين الكل بإنها هتعتزل التمثيل ..

وقتها وبحسب مجلة الموعد كل فريق العمل بقى يسألها عن السبب وليه تاخد قرار زي ده دلوقتي وهى فى قمة تألقها؟..

وبقت مريم ترد وتقول “مش عايزة أغلط زي اللي غلط قبلي.. أنا عايزة أعتزل

وأنا نجمة وتفضل الناس فاكرة لي الحاجات الحلوة اللي عملتها”..

طلب الوسط الفني تراجعها عن الإعتزال:

حاول أكتر من فنان ـ وعلى راسهم أحمد مظهر ـ وأكتر من فنانة وقتها إنهم يخلوا مريم ترجع فى كلامها لكنها فضلت مصممة ..

وبعد شوية بقت تقول إن فيه سبب تانى مهم خلاها تاخد القرار ده.. وهو خاص بزوجها محمد الطويل..

لأنها عايزة تتفرغ له ولبيتها بعد ما شبعت من حياة الأضواء والنجومية..

مريم كانت بتقول السببين دول لأي حد.. لكن السبب الحقيقي ورا القرار ده كانت محتفظة بيه لنفسها..

لحد ما جه يوم سفر زوجها إلى أوروبا علشان يكمل دراسة هناك وصارحته..

وقالت له إنها خدت القرار ده لأن سمعها بدأ يتقل بدرجة كبيرة جدا وسبب لها مواقف محرجة..

ده بالمناسبة نفس اللى حصل مع زكي رستم وخلاه يعتزل..

يومها حكت مريم لزوجها دكتور محمد الطويل وقالت إنها كانت بتعانى من سنين من تعب فى ودنها..

ولما زادت المشاكل بينها وبين زوجها السابق محمود ذوالفقار واتطورت إلى خناقات حصل فى خناقة منهم إنه ضربها قلم نزل على ودنها.. فالمشكلة زادت..

ده برضه اللى حصل مع سناء جميل لما أخوها عرف إنها التحقت بمعهد التمثيل من وراهم..

وقالت مريم إنه بمرور الوقت مشكلة ودنها كانت بتزيد.. لدرجة أنها كانت أحيانا بتصحيها من النوع على ألم رهيب وصداع لا يحتمل..

وبقت تلاحظ ومساعد المخرج بيراجع معاها الحوار إنها مش سامعة كويس وده سبب لها إحراج فى بعض المواقف..

فى الوقت ده جابت أخوها يوسف وبقت تقعده على مسافة قصيرة منها

وتطلب منه يتكلم معاها علشان تشوف هتسمع ولا لا.. فلاحظت إن المشكلة بتزيد مش بتقل..

مع تفاقم المشكلة بدأت مريم تلف على الدكاترة ..

وكل واحد بقى يوصف علاج معين مش بيجيب نتيجة.. لحد ما حد ابن حلال قالها “فيه بروفيسور كبير جاي مصر فترة قصيرة يدى محاضرات ..

اعرضي نفسك عليك:

سمعت مريم الكلام وعرضت نفسها على البروفيسور اللي نصحها بإنها تسافر لندن تتعالج هناك..

وبما إن جوزها كان مسافر أوروبا يكمل دراسته قالت أنتهز الفرصة وأسافر أتعالج..

السفر للعلاج في أوروبا:

سافرت مريم بعد ما أعلنت للكل قرار اعتزالها التمثيل.. وقضت فى أوروبا 4 سنين عالجت فيها مشاكل ودنها ..

وبتقول إن الدكاترة فى لندن قالوا لها لو كنتي اتأخرتي فى الحضور كنتى هتفقدي حاسة السمع تماما..

بعد ما تم العلاج وبعد ما جوزها أنهى فترة الدراسة والتدريب رجع الاتنين مصر..

وزي ما بتقول الموعد بدأ المنتجين والمخرجين يجسوا نبض مريم بخصوص رجوعها للفن..

مبسوطة بحياتها كست بيت:

وكان الوسيط وقتها أخوها يوسف فخر الدين اللي كان بيأكد للكل

أنها مبسوطة بحياتها كـ ست بيت ومش بتفكر ترجع لعالم الأضواء والشهرة..

اشتاقت للوقوف قدام الكاميرا:

وفضل الحال على هذا الحال ما في يوم من الأيام يا سادة يا كرام مريم همست فى ودن يوسف

وقالت إنها اشتاقت للوقوف قدام الكاميرا..

وقبل ما تكمل كلامها كان يوسف ناقل الجملة للمنتجين مصحوبة بجملة “الحقوها قبل ما تغير رأيها”..

ومن هنا بدأ كل واحد يدق الباب بحثا عن تعاقد يعيد مريم للساحة ..

ونزلت العروض ترف لحد ما رجعت مريم للشاشة فى سنة 1968م بـ 4 أفلام هي “أين حبي وفرسان الغرام ولقاء الغرباء والصعاليك”..

#الحكواتي_الهامي_سمير #مريم_فخر_الدين
#الهامي_سمير

*****

معرض الصور:

******

المراجع والمصادر:

fotoartbook

elitephotoart

بالطبع
بصورة شاملة
إما
أينما
حيثما
كيفما
أيما
أيّما
بينما
ألّا
لئلّا
حبّذا
سيّما
لكن
بالتالي
هكذا
أو
أم
لذلك
مثلا
تحديدا
عموما
لاسيما
خصوصا
بالأخص
خاصة
بالمثل
لأن
بسبب
إذا
عندما
حين