كل شيء بدمشق الشام.عندهم أكل أو يكاد يكون مرتبط بالأكل
كل شيء بدمشق أكل
الشوام كل شيء عندهم أكل😊.. أو مرتبط بالأكل😂
على سبيل المثال:
العز للرز والبرغل شنق حالو
عطي الخبّاز خبزو ولو أكل نصّو
لاقيني ولا تطعميني
في بيناتنا خبز وملح
شبعنا حكي
كتير مهضومة هالبنت
شو بدي اتذكر منك ياسفرجل كل عصّة بغصّة
ما هضمتو بنوب
عم بطبخ الموضوع على نار هادية
لا تقول عنب ليصير بالسلّة
دمّو متل العسل
إي شو ماشي على بيض
بدك تاكل عنب ولا تقتل الناطور
طنجرة ولاقت غطاها
بتاكليني لحم وبترميني عضم
ما عندي خيار وفقوس
وجّو ما بيضحك لرغيف السخن
صار متل العجينة بين إيديّي
عضة كوساية وبكون وصلت
طول بالك ولا تاكل هم
الناس متل الرز
يا داخل بين البصلة وقشرتها ما بينوبك إلّا ريحتها
داب بزر مخّي
الجيزة متل البطيخة
طولها متل عرء الفول
حاطين مقلايتو وقاعدين
خدودها متل الشوندر
تغدّاني قبل ما اتعشّاه
بياكل وبينكر
حاجتك أكل هوا
نحنا ما بناكل مال حرام
راسي عم ياكلني بدي حمّام
إي شو شوربه
الأكل على قد المحبّة
أكلت كُمْ
أكلت وقعة
أكلت أتلة
أكلت صواب
أكلت مقلب
أكل عليّ مصاري
ولك حاجة ماشبعتو مصاري
هلأ الجوعان متل الشبعان
تاكل هم قلبي
مو نفعان لا للخل ولا للخردل
لقمته مغمّسة بالدم
شغلة عجرة
حط خبزاتك على جبناتي
عينو جوعانة
عينو شبعانة
إلها تم ياكل ومالها تم يحكي
حلوة، وجها متل طبق النمّورة
وبالأخير بيقلّولنا ليش عم نسمن…🤣🤣
التاريخ قارئ وأشياء لاتوجد إلا بدمشق..كما بالصور بالمعرض.
كل شيء بدمشق الشام.عندهم أكل أو يكاد يكون مرتبط بالأكل
معرض الصور:
***
المصدرfotoartbook