مريم نعوم سينارست مصرية،ابنة الروائي نبيل نعوم والمصممة: سوزان المصري
مريم نعوم سينارست مصرية
تعالوا نعرف مع بعض مين هى الكاتبة مريم نعوم؟
هى كاتبة سيناريو مصرية، اتولدت يوم 8 مايو 1977م في أمريكا،
لكن أصلها مصري، أبوها هو الروائي نبيل نعوم،
وأمها مصممة الحلي سوزان المصري،
فكبرت في بيت كله فن وأدب.
درست الاقتصاد في فرنسا لكنها ماحبتش المجال ده،
فرجعت مصر ودخلت معهد السينما عشان تدرس السيناريو.
في البداية اشتغلت في مجال الدعاية والإعلانات،
لكن شغفها بالكتابة شدها للسيناريو،
ومن هنا بدأت رحلتها.
من أجمل الحاجات اللى قدمتها مريم كانت فيلم واحد صفر سنة 2009م،
واللي أخرجته كاملة أبو ذكري،
وكان نقلة كبيرة في السينما المصرية.
الفيلم كسر حاجز المواضيع التقليدية واتكلم عن مشاكل مجتمعية مهمة زي الطلاق عند المسيحيين.
الفيلم خد جوائز كتير،
ومن وقتها بقت مريم واحدة من أهم المؤلفين في مصر.
ودخلت بعدها عالم الدراما وقدمت بالشمع الأحمر مع يسرا،
لكن الكل بقى عارفها في 2013م لما قدمت ذات وموجة حارة،
المسلسلين اللي خلوا اسمها يتصدر المشهد الدرامي.
في 2014م، فاجئت الكل بمسلسل سجن النسا،
اللي كان مأخوذ عن مسرحية لفتحية العسال،
وقدمت فيه حكايات نساء مسجونات،
وده أكد إن مريم مش بس كاتبة شاطرة،
لكنها مهتمة بالقضايا النسائية بشكل خاص.
أما القنــ. بلة الحقيقية فكانت تحت السيطرة سنة 2015م،
اللي ناقش قضية الإدمــ. ان بطريقة مختلفة جدًا،
وخلا ناس كتير تعيد التفكير في المفاهيم المرتبطة بالمخــ. درات والتعافي.
المسلسل ده أكد إنها مش كاتبة عادية،
لكنها مؤلفة عندها رسالة.
ناس كتير بتعتبر مريم نصيرة المرأة في الدراما،
لأنها دايمًا بتتكلم عن قضايا بتخص الستات والمجتمع بشكل جريء.
لكن هي عندها رأي مختلف،
وبتقول:
“يفضل ألا يتم إلصاق أي ألقاب بالمؤلف،
لكنني سأتعامل مع تلك التصنيفات كونها ألصقت بي بالفعل.
وأتمنى إذا حصلت على لقب ما،
أن يكون لقبًا مرتبطًا بالهمّ العام،
حيث تصبح هناك مسؤولية مُلقاة على عاتقي تجاه المكان الذي أعيش فيه وأمثل جزءًا منه ولم أنفصل عنه،
بغض النظر عن طبيعة العمل وتوجهه.”
في 2015م، مريم أسست ورشة سرد للكتابة الدرامية،
ودي كانت خطوة جديدة لدعم الكتاب الشباب وتقديم أعمال درامية بأسلوب مختلف.
الورشة أنتجت أعمال مهمة زي فيلم بين بحرين، اللي رغم إنه مش من تأليفها المباشر،
لكنه كان تحت إشرافها.
مريم ونيللي كريم عملوا مع بعض في أكتر من مسلسل ناجح،
وده خلا الناس تسأل:
هل مريم بتكتب وهي عارفة إن نيللي هتكون البطلة؟
لكنها ردت وقالت:
“أحاول أثناء كتابتي العمل ألا أفكر في شخصية البطل،
على الأقل في المراحل الأولى للكتابة.
وفي مسلسل ذات تم اختيار نيللي كريم لدور البطولة بعد انتهائي من كتابة المسلسل،
وتكرر الأمر مع تحت السيطرة.
أما سجن النساء وسقوط حر،
فكنت أعلم بقيام نيللي كريم بدور البطولة واخترتها لأنها مقنعة جدًا.”
رغم نجاحها الكبير في الدراما،
غابت مريم عن السينما لفترة طويلة،
وقالت عن ده:
“لم أكن بعيدة بإرادتي، لكن السوق السينمائي كان في مرحلة صعبة،
ومع ذلك أنا حالياً أعمل على مشروع جديد للسينما،
وأتمنى أن تتوافر له جهة إنتاج حتى يظهر للنور.”
رغم إنها اشتغلت مع كبار النجوم،
لكن كان عندها حلم إنها تكتب عمل:
لأحمد زكي، نور الشريف، أو محمود عبد العزيز،
وقالت:
“كنت أتمنى أن يحالفني الحظ بالعمل مع فنانين كبار من طينة:
أحمد زكي ونور الشريف ومحمود عبد العزيز،
كونهم فنانين ذوي حضور طاغٍ،
وأنني بوفاتهم خسرت فرصة أن تقترن أعمالي بهم.”
مريم نعوم قدرت خلال وقت قصير تبقى من أهم كتاب الدراما في مصر.
مش بس لأنها شاطرة،
لكن لأنها بتكتب عن قضايا حقيقية بلمسة إنسانية.
ومهما اختلفت الآراء حوالين أفكارها،
محدش يقدر ينكر إنها غيرت شكل الدراما في مصر،
وفتحت باب جديد للكتابة اللي بتمس الواقع بجرأة وعمق.
قولولنا ايه اكتر مسلسل حبتوه ليها
وماتنسوش الايك والشير
بقلم ايمان سمير
#حاجة_قطايف
وهكذا ابدعت :مريم نعوم سينارست مصرية،ابنة الروائي نبيل نعوم والمصممة سوزان المصري
**********
مريم نعوم Mariam Naoum
السيرة الذاتية:
كاتبة سيناريو ومؤلفة مصرية، هي ابنة الروائي نبيل نعوم ومصممة الحلي الشهيرة سوزان المصري،
تركت دراسة الاقتصاد في فرنسا لتعود إلى مصر لتدرس السيناريو في معهد السينما،
عملت بعد تخرجها في مجال الدعاية الإعلانية،
قبل أن تعود مرة أخرى لكتابة السيناريو،
كان أول فيلم لها هو (واحد صفر) والذي شهد تعاونها الأول مع المخرجة كاملة أبو ذكري،
ثم اتجهت لكتابة المسلسلات التليفزيونية.
كتبت مسلسلات (ذات، سجن النسا، تحت السيطرة).
وتزوجت من المخرج تامر محسن.
-
- الموطن:
- مصر
- *********
معرص الصور:
****************
المراجع والمصادر:
مواقع إجتماعية- فيس بوك
موقع السينما.كوم
https://elcinema.com/person/1101172