شهيرة برحلة أحمد زكي.صاحبة فضل كبير عليه
شهيرة برحلة أحمد زكي
بقيت شهيرة صاحبة فضل كبير في رحلة أحمد زكي، وفعلاً
هي شافت أحمد زكي لأول مرة على خشبة المسرح في قصر الثقافة بالشرقية،
وكان وقتها لسه شاب بسيط، لسه مخلص دبلوم الصنايع ومش عارف رايح على فين.
لكنه لما وقف على المسرح وأدى المشهد، شهيرة انبهرت بيه وقالت في نفسها: “إيه الولد الأسمر ده.. ممثل فظيع”.
بعد انتهاء العرض، نادت عليه وقالت له:
تعالى.. أنت هتعمل إيه بعد الدبلوم؟
مش عارف.
إيه رأيك تدخل معهد التمثيل؟
فين ده؟
في مصر.
بس أنا معرفش أروح مصر.
أنا هوديك مصر وهاخدك معايا.
ومن اللحظة دي،شهيرة بقت صاحبة فضل كبير في رحلة أحمد زكي،
وفعلاً أخدته معاها على القاهرة وساعدته إنه يدخل المعهد، لدرجة إنها خليته يتغدى في بيتها مع والدتها.
ومن هنا، بدأت رحلته الصعبة في القاهرة، اللي كان فيها غريب تمامًا عن كل حاجة، حتى إنه ماكانش عارف هيبات فين،
لغاية ما شهيرة لقت له مكان عند الممثل وفيق فهمي، اللي استقبله عنده لمدة شهرين، لغاية ما دخل امتحانات المعهد.
وعلى عكس اللي بيتقال عن إن أحمد زكي اترفض في الاختبارات، الحقيقة إنه اتقبل من أول مرة وكان الأول على الدفعة،
وشهيرة كانت الأولى على البنات. ومن هنا، بدأت رحلتهم سوا في الفن، وفضلوا صحاب وأخوات طول عمرهم.
بالرغم من إن علاقتهم كانت قوية جدًا، لكن العلاقة دي كانت أقرب للصداقة والأخوة، أكتر من إنها حب تقليدي.
ولما شهيرة بدأت علاقتها بمحمود ياسين، أحمد زكي كان حريص إنه يتأكد إن العلاقة دي جدية. ولما عرف إن محمود ناوي يتجوزها،
واجهه مباشرة وسأله:
شهيرة دي أختي، ناوي تتجوزها ولا لأ؟
قاله محمود: أيوه طبعًا.
وفعلاً، أحمد زكي كان واحد من الأسباب اللي ساعدت في ارتباط شهيرة بمحمود ياسين،
وبعد الجواز فضل قريب منهم، وأولادهم كانوا بينادوه “يا خالي”،
وكان شاهد على جواز بنتها رانيا محمود ياسين من محمد رياض.
شهيرة كانت دايمًا بتشجعه على إنه يروح يحج، ولما ربنا منّ عليها بالحج أكتر من مرة، عرضت عليه يطلع معاها،
وفعلاً رحب بالفكرة وسافروا سوا وحجوا.
أما عن مقبرته، فشهيرة هي اللي جابت له المقبرة قبل وفاته بست سنين،
لأنها كانت خايفة عليه وما كانتش عايزاه يتعب في الأيام الأخيرة. لكنه كان بيخاف لما يتكلموا في الموضوع، وكان بيقول لها:
هاتيها إنتي وأنا هدفع تمنها.
وفعلاً، ده اللي حصل.
أحمد زكي كان بيدخل في كل شخصية بيقدمها لدرجة المرض النفسي، لدرجة إنه فقد الرؤية لما لعب دور طه حسين في مسلسل “الأيام”، وأصابته مشاكل في القولون بعد فيلم “زوجة رجل مهم”.
أما عن حياته العاطفية، فهو حب هالة فؤاد جدًا، وطلب منها تسيب التمثيل وتتفرغ للأسرة،
لكنها لما رجعت للفن، اعتبر ده تخلي عنها، ورغم انفصالهم، فضل بيحبها لغاية آخر يوم في عمره، وكانت “امرأة حياته”.
لما أحمد زكي تعب ودخل المستشفى، شهيرة ماكانتش بتسيبه، وكانت بتتبادل زيارته مع الفنانة رغدة.
وفي آخر لقاء بينهم، قالت له:
بنات قمرات واقفين برة طوابير عشانك.. إيه حب الناس ده!
رد عليها وهو بصص للسماء:
“المهم حب الله”.
وده كان آخر كلام قاله لشهيرة قبل ما يودع الدنيا،
لكن حب الناس ليه ما ماتش، وحكايته لسه بتتقال لغاية النهارده…
الله يرحمه ويسامحه ويغفر له
******
المراجع والمصادر:
مواقع إجتماعية- فيس بوك.
بالطبع
بصورة شاملة
إما
أينما
حيثما
كيفما
أيما
أيّما
بينما
ألّا
لئلّا
حبّذا
سيّما
لكن
بالتالي
هكذا
أو
أم
لذلك
مثلا
تحديدا
عموما
لاسيما
خصوصا
بالأخص
خاصة
بالمثل
لأن
بسبب
إذا
عندما
حين