حسان فياض بقصيدة.يا ماضي قلّي وينك
حسان فياض بقصيدة.يا ماضي
الأستاذ :حسان عفيف فياض.قصيدة: يا ماضي قلّي وينك.
يا ماضي قلّي وينك. غايب حاضر بالأفكار
ريتا تسلملي عينك. ميّل صوبي ولنو نهار
ايام كباكيب الصوف. وخيطانك يا صنارة
سنانيرك رقصات سيوف. تهز بدين الختيارة
شراشف بتغطي لرفوف. وأبرة ترسم عالطارة
كروشيه مرتب لو بتشوف. لونو ابيض او اسمر
تزيّن اواني الفخار
القهوة اللي بدا تقطير. بعدا عا بالي بتعن
بيحضرها عا بكير. الهاون يطحن حب البن
بتهيلها حتى تصير. طعمة فرجي وفيها فن
تمخمخ فيها والتفكير. يسرح بمجالو الواسع
ونسمات تراقص القمار
يا بو رايق قوم وردّ. عم بيدق التلًفون
يللا رايح من كل بد. بدي اعرف مين بكون
بيسأل مينك وبيحتد. بيقلو جارك حسون
عا بالي اسهر عن جد. انا ومرتي ام حسين
هيي المتي والبوشار
بيسحب وبتمشي خلفو. تقلو هدي وهدي البال
والله اجريي تلفو. اركض خلفك يا رجال
رايح تيلاقي ولفو. تاركني بسرعة خيال
تشاقو عا بعض اختلفو. وصلو عا دارة مخول
كفو شريعة ونقار
قعدو سهرو وتسلّو. قضوها ضحك وتقريق
حتى البرغوتة فلّو. والنسوان بلا تعليق
شربو متي تنشلّو. فضي بريق وعبي بريق
ولما قامو تيفلو. قلن ما شربنا قهوة
انشالله بتاني مشوار
ام حسين وبالسهرة. قعدت لكن مسمومة
بالرجعة كفو النقرة. قلا ولك يا منقومة
بدي قلك عا فكرة. عالساعة ستة قومي
ما بدي فوضى وعكرة. هيي السلطة والشروال
جايي لعندي زوار
قالتلو ما بدي قوم. صاير يا جوزي منقوم
عمول حسابك رح بتصوم. ما في نزلة عالكروم
بتفعطني يا عيب الشوم. والا نفسك ما بتلوم
لا تفكر حالك مظلوم. لازم تعملي قيمة
وللا ما ببقى بالدار
يللي عرفتو نامو طب. وما عدنا عرفنا شو صار
منقول عن صفحة الأديب والشاعر الكبير
الاستاذ. حسان عفيف فياض
Hassan Fayyad
*****
معرض الصور:
*******
المراجع والمصادر:
مواقع إجتماعية- فيس بوك.