شكوكو ارجوز هذا الزمان
مقاله بقلم جرجس ابادير
شكوكو
قدم خلال رحلته الفنية 600 مونولوج وأكثر من مائتى فيلم
كم اسعدنا فى طفولتنا حيث عمل له تمثال صغير
وكان ثمن التمثال زجاجة فارغة
كان البائع ينادي شكوكو بالأزايز
تزوج من أربعة سيدات
الزيجه الاولي
طليقة يوسف وهبي التي احبها واحبته
كانت سيدة المجتمع عائشه فهمي صاحبة قصر الزمالك
وقف القصر الملكي ضد شكوك و زيجته بعد أن حرض يوسف وهبي
الأسر الأرستقراطية علي شكوكو اضطر ان يطلق زوجته
الزيجه الثانيه
ام اولاده التي حرض بعض الفنانين شكوكو علي طلاقها
الزيجه الثالثه
كانت بنت صغيره لكنها مرضت وصرف علي علاجها اموال كثيره
ذهب بها الي المشايخ الي ان توفيت
الزيجه الرابعه
اهل زوجته زوجوه بنتهم الثانيه اخت زوجته الراحله بعد وفاة زوجته
1 مايو عام 1912م
ولد محمود شكوكو
فقرر جده أنه يتولى رعايته
في كل كبيرة و صغيرة تخصه
جده اراد تسميته شكوكو لانه كان بيربي ديوك رومي
وكان عنده ديك مميز يحبه عن باقى الديوك ..
كان اسمه شكوكو..
لكن الأب تدخل و قال ماله محمود
فاطلق عليه الاسمين محمود شكوكو
عام 1964م
محمود رفع قضية بسبب استغلال البعض
لاسم شكوكو
أكد في الدعوى أنه اسمه الحقيقي محمود شكوكو
ليس اسم شهرة
اول ما بدأ شكوكو يقف على رجليه
ابوه أخده معاه ورشة النجارة التي كان يمتلكها
فى وقت قليل اصبح محمود اسطى معلم رغم سنه الصغير
مع ذلك الكل قال
الواد ده هيبقى أسطي كبير فى الصنعة لكن نداهة الفن ندهته
كان ينزل في الليل و يضع مخدة مكانه على السرير
ينط من الشباك يروح يسهر على القهوة ليسمع شاعر الربابة
الفرق اللى كانت تيجي كل أسبوع كان بيجري وراهم من مكان لمكان
محمود بدأ يحلم بالنجومية و الشهرة خصوصا بعد ما جرب
أنه يغنى امام الصنايعية والأسطوات فى الورشة و الكل قالوا له صوتك حلو
طلب من الفرق اللى بيتفرج عليها أنهم يشغلوه معاهم
لكن كلهم رفضوا لأنه كان صغير إهمل الشغل
ابوه خيره
يا المغني والجري ورا الفرق اللى مش هتأكلك ع
يا النجاره
هنا اعلن شكوكو إنه اختار الفن
فى نفس الوقت برضه ابوه اعلن هو كمان بصراحة
مالكش مكان فى بيتى خرج شكوكو من بيت ابوه يواجه المجهول
لكنه بسرعة وقف على رجله
بدأ يشتغل فى كام ورشة سنة ورا سنة كون مبلغ اشترى به دكان صغير عمله ورشة
فضلت الورشة تكبر و تكبر الي ان تعامل مع الشركات الكبيرة
لما كان بيجيله شغل كتير كان بيبعته على ورشة أبوة من غير ما يعرفه
كنوع من المساعدة ورد الجميل
شكوكو فى يوم من الايام كان بيركب دولاب فى شقة احدي السيدات
سمعته بيغنى أثناء شغله
فعرضت عليه تعرفه على قريبها اللى بيشتغل فى كازينو بديعة مصابني
وافق شكوكو من فرحته قالها
هركب لك الدولاب مجانا ومش هاخد فلوس
فعلا راح الكازينو وانطلق فى مسيرته الفنية
اصبح مطلوب فى السينما و فى الكازينوهات و الحفلات..
أول أجر لشكوكو فى السينما كان قرشين صاغ
أول ما بدأ يعمل عمل أدوار ثانوية مثل
أم رتيبة حب ودلع انتصار الحب ظلمونى الناس شباك حبيبى حب وجنون
طلاق سعاد هانم قلبى دليلى
لعب دور البطولة فى فيلم عنتر ولبلب
اللي بنطلق عليه السبع اقلام
أما مونولجاته المشهورة فمنها
ورد عليك فل عليك
حلو يا حلو
جرحونى وقفلوا الأجزاخانات
خدها الغراب وطار
ست الستات كتبوا كتابها
ويا خولى الجنينة ادلع يا حسن
المونولوجات اشتهرت و ناس قلدت شكوكو
فى لبس الجلابية والطاقية
عشان يضمن أن العلامة مسجلة بإسمه لوحده
ذهب الي المحكمة وسجل الطاقية اللى كان بيلبسها
شكوكو أول فنان يمتلك أفخم سياره التي تمتلكها الطبقات الارستقراطية
بس مكنش بيطلع يتصور بيها يقول ثقة فى الله عربيات
محدش عرف من جمهوره انه غنى
شكوكو وصل للعالمية لما بدأ يصنع عرايس بنفسه
كان اول واحد فى مصر يعمل مسرح للعرايس
كان عامل تذاكره باسعار قليلة جدا لتدخل كل الناس المسرح ..
باع 3 عربيات من عربياته عشان ليسد مصاريف المسرح
لكن الخسائر كانت كبيرة وكتيرة فقفل المسرح
ضاع معاه واحد من اهم احلامه كان مسرح العرائس
شكوكو كان مطلوب فى اكتر من دوله ليعلمهم
فن العرايس والاراجوز
استعان به صلاح ابو سيف
ليشرف على مشاهد الاراجوز فى فيلم الزوجة التانية لسعاد حسني و شكري سرحان
شكوكو بعد الحرب عمل مسرح عرايس متنقل على عربية نقل
كان بيمشى بيه يلم تبرعات للمجهود الحربي
شكوكو لما جه يتجوز عمل كل عفش بيته بنفسه
لما كان حد يجيى يتجوز من الناس اللى شغاله معاه و مش قادر على تمن العفش
كان بيعمله بنفسه من غير مقابل طبعا اى حاجة كانت محتاجة نجارة فى بيته
لحد ما مات كان متكفل بيها
شكوكو كان فخور أنه علم نفسه بنفسه القراءه و الكتابة
رغم أنه شخصية مرحة و ييحب الضحك
لكنه فى بيته كان شخصية جادة جدا
شكوكو ما ماتش فقير ومحتاج زى ما ناس بتقول
فى اخر ايامه لما تعب و دخل المستشفى
كان بيتمنى حاجة واحدة فقط هى أن جمهوره يزوره فى المستشفى
لكي لا يشعر بالوحدة والمرض
شكوكو أول فنان مصري يمتلك في أواخر الأربعينات
السيارة الإنجليزية ماركة بانتيللي التي لا يركبها غير اللوردات والسفراء والأمراء
ما أثار عليه حقد أفراد الأسرة المالكة وبعض أفراد العائلات الأرستقراطية أجبروه على بيعها
كان دائما يقول يا راكب البنتلي اه لو بنتي
شكوكو نافس الملك فاروق في لونه المفضل في السيارات
اشترى سيارة فاخرة حمراء وصلت إلى جمارك الأسكندرية
لكن الجمارك رفضت الإفراج عنها بسبب حب الملك لهذا اللون
منع الشعب من ركوب هذه السيارة و هذا اللون وأرسلت الجمارك للقصر
ليؤكد أن الملك وافق على امتلاك شكوكو فقط لهذا اللون
خرجت إحدى الصحف ذات صباح تحمل نبأ اثار ضجة كبرى فى الوسط الفني
أن شكوكو قد غرق فى النيل أثناء تنزهه مع بعض أصدقائه فى قارب صغير
امتلأ بيت شكوكو بوفود من الفنانين الذين جاءوا ليقدموا واجب العزاء لأسرته
فكان شكوكو يستقبلهم بنفسه ليشكرهم على شعورهم الجميل
كان شكوكو فى ذلك الوقت يعمل فى أحد المسارح الواقعة على شاطئ النيل
كان بينه وبين أحد متعهدي الحفلات خلاف شديد
عرف شكوكو أنه هو مدبر المكيدة
لما ذهب إليه شكوكو ليسأله عن السبب الذى دفعه إلى إشاعة هذا الخبر الكاذب
ابتسم المتعهد وهو يقول دي كدبة أبريل
فقال له شكوكو لكن إحنا النهارده 30 أبريل
قال المتعهد بهدوئه العجيب
زي بعضه يا أخي خليها كدبة آخر أبريل
قاد شكوكو المظاهرات عند قصر عابدين بعد تنحي الرئيس عبد الناصر
بعد حرب يونيو 1967م
رقص شكوكو بالجلابيه و الطرطور المشهور
عند رجوع الرئيس عبد الناصر للحكم في 9 و 10 يونيو 1967م
فى 17 إبريل 1952م
كان العرض الأول لفيلم اسمه شمشون ولبلب
بطولة شكوكو وسراج منير وعبد الوارث عسر وحوريه حسن
وعبد الفتاح القصري ونجوى سالم
فيلم من إخراج سيف الدين شوكت.
توقف عرضه بعد أيام قليلة تم تغيير أفيش الفيلم
تغير اسمه إلى عنتر ولبلب
بعد ستة أشهر تمت خلالها عملية الدوبلاج لكل مرة نُطق فيها اسم شمشون
تم تغييره إلى عنتر
على لسان كل أبطال الفيلم فى جميع المشاهد طبعًا
هذا ما يبدو واضحًا فى النسخة التى تعرض من الفيلم على التليفزيون
كان السبب سياسيا
فالفيلم به إسقاط واضح عن الوضع السياسى فى مصر وقتها فى الخمسينيات
بعد الحرب يتناول رمزا قضية الجلاء وجدوى المفاوضات
عرض الفيلم لأول مرة قبل الثورة بثلاثة أشهر
رغم أن اتجاهه الفكري سياسي يؤيد الثورة
فقد تعرض لاضطهاد ظالم أدى إلى حجبه لفترة طويلة وتغيير اسمه بعملية الدوبلاج الواضحة فى نبرات صوت الفنانين عند نطق كلمة عنتر التى كانت فى الأصل شمشون.
أثار سحب الفيلم من دور العرض شكوكًا حول السبب فى ذلك
ولم يكن يتعلق فقط بالصراع الوطنى وقتها
بين المطالبين بوقف المفاوضات وجلاء الإنجليز عن مصر
بل كانت تتعلق أيضًا باسم “شمشون “ اليهود
أحد أنبياء بنى إسرائيل وتصويره في صورة الرجل المغتصب الذى يسرق أرض غيره
فكان الفيلم يربط بين القضية المصرية والفلسطينية.
قيل إنه تم تغيير اسم الفيلم بسبب اعتراض حاخام يهودى
على استخدام اسم أحد الأنبياء من بنى إسرائيل وتمثيله بالشخصية الشريرة
أمير كراره
تربطه صلة قرابة بعيدة بالفنان محمود شكوكو ويعتبره مثل جده
رحم الله الفنان الاسطي محمود شكوكو
#جرجس_أبادير
