الفرق بين سلفات النشادر ونترات النشادر واليوريا :

(1) سلفات النشادر “كبريات الامونيوم”
رمزها الكيمائي NH4)2SO4)
بتحتوي علي نسبه نيتروجين 20.6%
ونسبه كبريت 24% ودا اهم ما يميزها عن باقي الاسمده النيتروجينيه
اهم فوائد سلفات النشادر**
1*تاثيرها حامضي علي الاراضي القلوية ودا عشان بتحتوي علي نسبه محترمه من عنصر الكبريت اللي طبعا ليه فوائيد كتير جدا مفيده للنبات

2*-العنصر الكبريت اللي موجود ف سلفات النشادي بيكون متوفر ف صوره ايون كبريتات ودي الصوره الوحيده اللي النبات بيقدر يمتصها ويستفاد منها

3*-بما ان الكبريت ليه تاثير حامضي علي التربه وهيقلل معايا من ال PH بالتالي هيزود معايا بدرجه كبيره من امتصاص العناصر الغذائيه الموجوده ف التربه وبالاخص العناصر الصغري

4*-من اكبر فوائده انو بيقاوم تفاعلات التطاير واقل ذائبيه من النترات واليوريا عشان كدا بنقدر نستخدمه ف الاراضي الغدقه بالاخص ف زراعه الرز عشان النترات بتتطاير بسرعه ولا يمكن الاستفاده منها ف الاراضي الغدقه وكمان بيقاوم عمليه الغسيل ف الاراضي الرمليه

5*-لو انتا خايف ان النبات يهيج معاك عرش من غير مجموع زهري يبقا افضل اختيار ليك هيا سلفات النشادر عشان نسبه النيتروجين القليله الموجوده فيها وهتمد النبات ل اكبر فتره بعنصر النيتروجين

تحذير**
..لا ينصح باستخدام سلفات النشادر ف المياه الملحه لانها تزيد من التاثير الضار ل ايون الكلوريد وف هذه الحاله نستخدم نترات النشادر 33%

2.نترات النشادر”نترات المونيوم”
ويتوفر فيها عنصر النيتروجين ف الصورتين القابلين الامتصاص صوره النترات وصوره الامونيا

*رمزها الكيمائيNH4NO3
*نسبه النيتروجين فيها حوالي33.5%

من اهم فوائد نترا النشادر ::
1*- بيفضل استخدامها مع المياه المالحه حيث انها بتقلل من تاثير ايون الكلوريد الضار

2*-تساهم ف عمليه تكوين جزي الكلوروفيل وتحسين عمليه البناء الضوائي بالتالي تحسين عمليه تكوين الكربوهيدات وتخزينها ف المحصول

3*-تاثير حامضي علي التربه
4*-تستخدم عند اي عمر من النبات وتحت اي درجه حراره بعكس اليوريا لا يمكن استخدامها عند زياده درجه الحراره عن 25 درجه
5*-تضاف ف حاله وجود ثمار علي النبات ولا تسبب ف تشقق الثمار وزياده تعرضها للفطريات الضاره

6*- قابله للفقد السريع من خلال عمليه الغسيل والتطاير لذالك لا ينصح باستخدمها ف الاراضي الغدقه

*الافراط ف التسميد خاصه ف اشجار الفاكهه يودي ذالك لتخزين جزي النترات ف النبات ودفععه بعد ذالك اللي النمو الخضري علي حساب النمو الزهري

اليوريا***
رمزها الكيمائيCO(NO2)2
نسبه النيتروجين فيها مرتفعه 46% N

من الفوائد لليوريا::
1*- اكثر الاسمده النيتروجينيه ذوبانا ف الماء

2*-يفضل استخدمها ف مراحل النمو الاولي عند تكون من ثلاث الي اربع ورقات علي النبات وذالك لانها تعمل علي دفعه سريعا الي النمو الخضري

3*- يراعي عند استخدام اليوريا ف مراحل النمو الاول الاهتمام بالوقايه الحشريه والفطريه وذالك لان انسجه النبات تكون غضه معرضه للاصابه بسهوله

4*-يمكن استخدامه رشا علي الاوراق ودا عشان انها ملهاش ضغط اسموزي

5*- ينصح باستخدمها مع المايه المالحه يقال انها ملهاش تاثير علي ايون الكلوريد

6*-اكتر سماد معرض التطاير والغسيل بسهوله
بنوقف استخدامه قبل مرحله التزهير بمده محترمه عشان نقدر ناخد تزهير كويس من النبات

7*- الافراط ف تسميد اليوريا بيعمل شعوطه للاوراق القديمه وومكن يحرقها وبيموت ويحرق النموات الخضريه اللي عندي لذالك يجب توخي الحذر واستخدام كميات مناسبه

#زراعة الاسطح#مجلة ايليت فوتو ارت.