🎬 ٥ مصطلحات سينمائية مهمة لو نفسك تدخل عالم السينما
سواء كصانع أفلام أو كاتب سيناريو…
وقت التحضير والتصوير هتسمع مصطلحات كتير، ولو أول مرة تسمعها ممكن تحس إنك تايه وسط الفريق.
علشان كده جمعنالك ٥ مصطلحات مهمة👇
١- Underscore – الأندر سكور
المزيكا اللي بتشتغل في الخلفية مع الحوار أو أثناء المشهد.
وظيفتها إنها:
-تخلق إحساس معين
- أو تعزز الحالة الدرامية
من غير ما تسرق انتباهك من العناصر الرئيسية في المشهد.
٢- Cyclorama – السيكلوراما
جدار خلفي منتشر في الاستوديوهات علشان يوحد الخلفية مع باقي العناصر.
مثال: مشهد في الصحراء…
ممكن يتصور في استوديو، ويستخدموا السيكلوراما علشان يخلقوا إحساس بالمساحة والواقعية.
٣- Boom Mic – ميكروفون البوم
المايكروفون المستخدم وقت التصوير لتسجيل حوار الممثلين.
الصوت المسجل عليه بيتنقل بعد كده لمرحلة المونتاج والمكساج.
والشخص المسؤول عن تحريكه اسمه: Boom Operator
٤- Scene / Camera Coverage – تغطية المشهد
إن المخرج يصور المشهد من:
-زوايا مختلفة
-أحجام لقطات متنوعة
علشان يوفر اختيارات أكتر للمونتير وقت تركيب المشهد.
ودي خطوة أساسية علشان المشهد يطلع طبيعي في النسخة النهائية.
٥- Playback – البلاي باك
موسيقى أو صوت بيتشغل أثناء أداء الممثلين.
بنستخدمه غالبًا في:
-المشاهد الغنائية
-الإعلانات
-الميوزك فيديوز
علشان الأداء يكون متزامن مع الصوت بدقة.
🎬 خليك متأكد: فهم المصطلحات دي بيفرق جدًا في التواصل مع فريق العمل…
وبيخليك فاهم اللي بيحصل حواليك.
