صوف الارانب تجربة مبشرة في عالم الصناعات التحويلية.

عمرك كنت تتخيل إن الأرانب يطلع منها صوف🤍🐇🤍
دي “أرانب الأنجورا Angora Rabbits”*أفخم وأرقى نوع أرانب في العالم كله .. شايفين قد ايه حلوين 🥹🤗
كل أرنب قاعد جنب “شلة الصوف” بتاعته 😇🧶
الأبيض بينتج خيط أبيض ناصع والبني بينتج خيط بيج وذهبي والأرنب الرمادي بينتج خيط رمادي 🥰
الفراء بتاعهم طويل لدرجة إنهم عاملين زي كرات القطن ..ده نوع اسمه *”أنجورا فرنساوي”وطريقة استخلاص الصوف منها بقى عايزة فن وصبر وحنية 🤗
الست بتعمل حاجة اسمها *”تمشيط الأنجورا”*مش بتقصه ولا بتذبح الأرنب لكن بتحطه على حجرها عشان يحس بالأمان
وبتمشط الفراء .. الصوف بينزل لوحده كل 3 شهور.. هو ناعم لدرجة إنه بيتفك من الجسم من غير حتى مقص .. بعد كده بتغزله على طول على “مغزل”. بيحول الفراء لخيط مباشرة ..
صوف الأنجورا ده أدفى 8 مرات من صوف الغنم رغم إنه أخف بكتير… الطيارين كانوا بيلبسوه زمان .
ويعتبر أغلى خيط في العالم .. الكيلو ممكن يوصل 500 دولار. علشان الأرنب بيدي 1 كيلو بس في السنة ..
ممنوع فيه الغسيل العادي .. لازم يتغسل يدوي بميه باردة عشان ما يكشش ..
هو ده سر “الذهب الأبيض” اللي كانوا بيعملوا منه شرابات الملوك زمان 👑
في التعليقات هسيبلكم شوية صور مدهشة عن طريقة استخلاص صوف الانجورا وكمان مجموعة صور للأرنوب القمر ده 🤗 🐇
#عالم_صاخب_بالألوان#مجلة ايليت فوتو ارت.

أخر المقالات

منكم وإليكم