فتحى فتح الباب.. من أغرب القضايا اللى حصلت فى مصر..
نحن الان في القاهرة عام 1968م
عزمى قلق على اخوه وراح يسال عنه في البيت.. طرق الباب مفيش حد رد.. قال اروح اسال عليه فى الشغل اصل مش من عوايده يتأخر عن عيد ميلاد ابنى
راح الشغل وسال عليه.. قالوا بقاله تلت ايام مبيجيش الشغل.. الشك ملئ قلب عزمى.. قال ممكن يكون تعبان ولا حصل له حاجة لازم افتح الباب
عزمى كان معاه نسخة من مفتاح شقة اخوه وبالفعل فتح الباب ووجد اخوه فى بركة من الدماء وعلى الفور اتصل بالشرطة
جت الشرطة ورفعوا البصمات وابتدوا يبحثوا عن القاتل
=أستاذ عزمى ايه اللى حصل؟
- اخويا رفعت الكبير كان متزوج وعنده بنت حصل مشاكل مع زوجته وحصل انفصال وعاش لوحده كان على طول بينسا المفتاح في الشقة.. ساب نسخة معايا عشان لو نسا المفتاح يجى ياخد النسخة منى.. كان عيد ميلاد ابنى وأكد عليا انه جاى ولما مجاش اتصلت بيه مردش.. قلقت رحت تانى يوم اسأل عليه وخبطت على الباب محدش رد
= ومفتحتش ليه بالمفتاح اللى معاك؟
- المفتاح انا مش بمشى بيه ومقدرش افتح شقته من نفسي لازم يكون في حاجة
= طيب تمام وبعدين؟
- رحت الشغل سالت عليه قالوا مجاش بقاله يومين عشان كده روحت جبت المفتاح وفتحت الشقة ولقيته مقتول
= تتهم مين بقتل اخوك؟
- متهمش حد اخويا ملهوش اى اعداء طول عمره فى حاله وعمره ما عمل مشكلة مع حد
التحريات تبتدى تشتغل ويبحثوا عن اى دليل بالصدفة يلاقوا كارت فى مكان وقوع الجريمة يخص شخص اسمه فتحى فتح الباب..ويلاقوا كوباية شاي عليها بصمات شخص غريب
يسالوا اخوه عنه يفتكر معلومة
= افتكرت فى شخص اتصل بيا وقالى ان اسمه فتحى فتح الباب وقال لو اخوك مجبش الفلوس اللي عليه انا هاخلص عليه
معلومة فى غاية الأهمية
سالوا البواب عن حد سال عن المجنى عليه
- واحد جه لابس نضارة وكاب وحاطط شال على كتفه وقال إن اسمه فتحى فتح الباب وطلب مني ابلغ استاذ رفعت انه سأل عليه.. ولو مجبش الفلوس مش هيحصل له طيب..
حتى طليقته بتقول ان فى شخص اتصل بيها اسمه فتحى فتح الباب وهددها بقتل طليقها لو مرجعش الفلوس
يفتشوا سيارة المجنى عليه يلاقوا مفتاح وشريط كاسيت مكتوب عليه بالقلم الرصاص #فتحى فتح الباب
يبقا فى شئ بين المجنى عليه وبين فتحى فتح الباب واكيد هو اللى خلص عليه..
وتقعد الشرطة تبحث وتدور بس ميقدروش يوصلوا للشخص ده
الضابط بتجيله فكرة انهم يسربوا خبر الجريمة للصحافة ويكتبوا ان المتهم الرئيسى هو فتحى فتح الباب
وبالفعل بعد نشر الخبر بيوصل شخص إلى قسم الشرطة ويقول ام فتحى يبقا اخوه وأنه مختفى وميعرفش اى حاجة عنه
الضابط يساله
هل له علاقة بالمجنى عليه رفعت؟
اخوه ميعرفش كل اللى يهمه انه يلاقى اخوه.. الضابط يفكر في المفتاح اللى وجدوه فى السياره ويطلب من اخوه يوصف له عنوان فتحى..
يوصل الضابط الشقة ويحط المفتاح والباب يتفتح.. يعنى المفتاح اللى كان في سيارة القتيل يخص فتحى فتح الباب
كده الشرطة تتأكد ان فتحى هو القاتل وبيتم اصدار قرار للقبض عليه..
بعد فترة اخو فتحى يجيله اخطار من مستشفى فى محافظة أخرى ان اخوه موجود في المستشفى وأنه أصيب فى حادث… الأخ يبلغ الشرطة بالمستجدات وتروح القوات للمستشفى للقبض على فتحى..
الغريب ان فتحى كان فى غيبوبة نتيجة الحادث والتقرير بتثبت انه كان محجوز فى العناية وقت وقوع الجريمة..
المحقق كان لازم يقعد معاه ويساله
فتحى مبيسمعش شرايط ولا ده خطه وميعرفش المجنى عليه ولا اتصل بحد
طيب مفتاح شقتك وصل ازاى لعربية المجنى عليه؟
=معرفش يا بيه معرفش
يضاهوا البصمات اللى لقوها فى مكان الجريمة على الكوباية تطلع بصمات فتحى
ازاى بصماته موجوده في مسرح الجريمة ويوم الجريمة كان في غيبوبة.. فى شئ غريب مش مفهوم
الجريمة غريبة وحيرت رجال الشرطة
لغاية ما تيجى معلومة بالصدفة ان سبب انفصال رفعت عن زوجته هو بسبب لعبه للقمار ويتحرك المحقق لطليقة رفعت
- ليه مقولتيش انكم انفصلتوا بسبب القمار؟
= يا بيه انا عندى بنت ومقدرش اقول كلمة زى دى لأحسن البنت تكره ابوها.. لازم تكون صورته حلوة ادامها…
- طيب احكى لنا التفاصيل
= فى ليلة الباب خبط ورفعت فتح لقيت شخص غريب.. دخله الشقة وطلب منى اعمل شاى واحضر العشا
فلاش باك
= مين ده يا رفعت؟
- ده عباس صاحبى وجاى يزورنى حضرى عشا واعملى لنا شاى
عودة
= وقعدوا يلعبوا كوتشينة على فلوس ويومها اتخنقت مع رفعت وطلبت منه ميجبش حد البيت ويلعبوا قمار فهمته ان عنده بنت ولازم يخاف عليها
تبتدي الشرطة تبحث عن عباس ويوصلوا له وينكر كل شي بس فى النهاية يعترف
= وبعد كده يا بيه بقا يجى يسهر عندى فى البيت كل ليلة ونلعب قمار
- قتلتة ليه يا عباس؟
= مقتلتهوش يا حضرة الظابط
هاتوا البواب
- هو ده اللى سالك عن رفعت؟
_ ايوة هو يا سعادة البيه - إيه رايك يا عباس لسه مصمم على الإنكار؟
= فى يوم واحنا بنلعب لقيته بيغش فى الكوتشينة معلم الورق وخد منى مبلغ كبير ومعرفتش غير بعد ما مشا وجهته انكر.. صممت اخد حقى.. اتعملت معاه عادى لحد ما فى يوم طلبت منه مبلغ سلف وادانى
وكنت بروح له شقته بس مبقلش لحد انى طالع عند رفعت.. العمارة فيها عيادات وناس طالعة وناس نازلة..
طلب منى الفلوس قلت له ملكش حاجة هجم عليا وخد ساعتى وخد الفلوس اللى في جيبى طلعت السكينة وطعنته ومات ادامى… بكل هدوء خدت حاجتى وسرقت فلوسه ومسحت البصمات وكنت محضر الكارت بتاع فتحى فتح الباب رميته في مسرح الجريمة - وتعرفه منين فتحى فتح الباب؟
= فتحى ده تاجر ومعاه فلوس خدت منه مبلغ ومكنتش ناوى ارجعه.. قلت اتخلص من الاتنين مع بعض فى ضربة واحدة
فى يوم كان بيجيب لى بضاعة ونسا المفاتيح بتاعته طلعت مفتاح على شقته ورميت المفتاح والشريط فى عربية رفعت لما كنت راكب معاه.. كنت محضر كل شي
وخدت كوباية شاى عليها بصمات فتحى حطتها فى كيس وسبتها فى شقة رفعت عشان التهمة تلبسه
واتصلت باخوه وطليقته وعرفت الناس كلها ان فتحى عاوز منه فلوس ومش هاسيبه
معرفش أن فتحى هتحصل له حادثة قبل يوم من موت رفعت
- انت رتبت وخططت لكل شئ بس كان فى ترتيب تانى من فوق سبع سموات.. ترتيب الله العدل ولولا الحادث كان زمان فتحى دلوقتي متقدم للمحكمة بتهمة القتل العمد بس ربنا أراد ينجيه من إعدام محقق
لو الإنسان يعلم لطف الله بيه كان حمده على كل شيء بيحصل له…
يتقدم عباس للمحكمة ويتم الحكم عليه بالإعدام ويتم تنفيذ الحكم
من برنامج أغرب القضايا
(سيناريو وسيناريست)
*****************
المصادر:
– مواقع: الجزيرة .نت
– موقع: مصراوي
– موقع: البيان
– موقع BBC
– الرياض – العربية Business
– صفحة الآتحاد العربي للثقافة
موقع : بيت الشعر بالمغرب
– موقع: https://www.bbc.com
– موقع : سبق
– موقع الشرق الأوسط
— موقع:اليوم السابع
– مواقع: العربية .نت
– موقع : مدارات الثقافية
– موقع: صحيفة النهار
– إتحاد المصورين العرب فرع مصر
المصدر: مواقع إلكترونية
– موقع: عكاظ
– موقع : المصرى اليوم
– مواقع :تواصل إجتماعي – فيس بوك – ويكبيديا
– موقع: مجلة فن التصوير
-موقع: إيليت فوتو آرت: https://elitephotoart.net
*********
