امبارح زُرت المتحف الزراعي واتفاجئت بكم الاعمال الفنية هناك والمساحة الضخمة ومستغرب انها غير مستغلة بشكل مناسب خصوصا او المتحف تم افتتاحه بشكل رسمي ومع ذلك لسه بيتم تجهيز الزراعه الي فيه الي واضح انها محتاجت مجهود كبير عشان تكون مناسبه.
اتفاجئت كمان بوجود متحف القطن والنبات وغيره من الاماكن الي محدش بيعمل لها دعايا خالص مع انها بقت من التراث

فيه كمية محنطات هناك كتير جدا وفيه نماذج مصغرة بجودة عالية جدا جدا

فيه مجموعة لوحات تساوى ملايين والمتحف كبير لدرجه انه صعب يخلص في يوم بدون فاصل.

المساحة الضخمة الغير مستغلة كفيله تحوله اواحد من اهم مزارات الاسرة.
هناك فيه ٨ مباني كل مبنى متحف مستقل بذاته لازم يتم ربطهم بسكل منظم بالاضافه لوجود خدمات تستعد الاسره تقضي الوقت فيها بدون ملل

انا خرجت من المتحف بعد وقت طريل فقط لدافع الجوع اني كنت خلاص هبطت

ليه مكان زي ده بالمساحه الكبيرة جدا جدا دي انه مايبقاش فيه جوه مطاعم واماكن تنزه اسريه تساعد الزوار انهم يقضو اليوم بدون كلل

قابلت كمان حالة من اللامبالاه عند الموظفين عدا موظف متحف النبات اول ما قابلنا اتحرك وشرح لنا بدايه من المطاحن وانواع القمح والعيش والارز المصري وغيره
حقيقي قام بدوره على اكمل وجه وخلانا اتبسطنا وبعدين شرح لنا نعمل ايه ف الباقي

باقي المتاحف كان امين المتحف بيبقى قاعد على كرسي بره بدون اي مساعدات لينا تماما. وفي المتحف السوري لقينا الموظف مشغل الراديو وموصله على الساوند سيستم الي بيتكلم عن الماتشات والكوره بصوت عالي خالص لدرجه اننا في الاول افتكرنا الساوند سيستم بيشرح حاجه تخص المتحف وبعدها اتفاجئنا او الموظف متكي على كنبة وبيشرب شاي وبيسمع الراديو وطظ ف الزوار.

عندنا حاجات كتير جميلة محتاجه شوية اهتمام بسيط هتفرق كتير وتكون اجمل وتساعد البلد انها تستعيد مكانتها

المتحف يستحق يكون على خريطة الزيارات السياحية لانه شامل حاجات كتير تخص تاريخ مصر والعادات والتقاليد والتراث القديم وكمان فيه جزء مصري قديم.

تذكرة الدخول ٢٠ جنيه للفرد وحقيقي ممكن يحقق نجاح اكبر كتير بشوية اهتمام وبدون اي تكاليف على الدولة لكن هتفرق كتير وتجيب مكاسب ماديه كتير لبلدنا وهيبقى منفس لطيف للاسره والاجانب.

*************
المصادر :
موقع: سعودي كيمر
https://www.saudigamer.com
– موقع البناء
– موقع: alyaoum24
– موقع: عالم التقنية
هيبا: www.hipa.ae
https://www.alraimedia.com
– الجزيرة.نت
– موقع سكاي نيوز
– موقع : اليوم السابع
– موقع عكاظ
– موقع جريدة الزمان
– موقع العربية.نت
– موقع: الشرق الاوسط
– موقع العين
https://www.mojeh.com
– موقع (CNN)– العربية
– موقع: الاهرام
– موقع: صحيفة – الرياض
-صحيفة الثورة السورية
– موقع المصرى اليوم
– مواقع تواصل إجتماعي – فيس بوك – ويكبيديا
– مجلة فن التصوير
– إيليت فوتو آرت: https://elitephotoart.net
**********