🎬 ٥ حاجات محدش هيقولك عليهم وإنت بتتعلم كتابة السيناريو… بس هتكتشفهم بنفسك!
أغلب الناس بتدخل المجال بحماس… لكن أول ما بتبدأ تكتب، بتكتشف شوية حقايق محدش بيتكلم عنها، لا في كورسات… ولا حتى في كتب نظرية … بس احنا قررنا نشارك معاكم خمس حاجات منها.
تعال نتكلم عن كل واحدة منهم بالتفصيل 👇
١-الموهبة مش كفاية
كونك بتحكي قصص كويس… أو عندك خيال خصب… ده بداية كويسة بس مش نهاية الرحلة.
لو كل معرفتك عن كتابة السيناريو أنها قصة بتتحول لفيلم أو مسلسل، فهتقابلك تحديات كتير وقت الكتابة.
٢-التذوق الفني شئ نسبي
لما تعرض شغلك هتسمع آراء متناقضة:
“حلو”… “وحش”… “ممل”… “تحفة”.
الحقيقة؟
ولا رأي فيهم له قيمة من غير أسباب علمية أو ملاحظات مبنية على بناء درامي حقيقي.
وكتير مش بيعرف يدي ملاحظات بالشكل ده…
فدور بنفسك:
إيه اللي ناقص؟
إيه اللي مش متماسك؟
إيه اللي مش بيخدم القصة؟
٣- جودة الفكرة نفسها مش كفاية
في ناس بتتخيل إن لو مشروعها متنفذش يبقى فيه حاجة غلط أو أن ده حصل بسبب عدم تكافؤ الفرص.
الحقيقة؟
أغلب الأعمال اللي بتدخل مرحلة الإنتاج… بتدخل لأنها “جاهزة إنتاجيًا” أو بتناسب الخطة الإنتاجية للشركة.
مش شرط الأعمال اللي بتتنفذ تكون أحسن مشاريع متقدمة.
وده طبيعي جدًا.
ماتتوقعش أول سيناريو تكتبه يتباع… اكتب وجرب واعمل تعديلات كتير.
٤- ما تكتبش اللي عايزه… اكتب اللي لازم يتكتب
لو القصة تجربة شخصية أو بتتكلم عن جزء شخصي… ده جميل. لكن لازم تكتب من منظور درامي.
الكاتب المحترف مش بيعمل اللي بيحبه… بيعمل اللي القصة محتاجاه.
٥- أهم سر… لازم تعرف “انت عايز تقول إيه؟”
الناس بتفتكر إن جودة الشغل وحدها تكفي. لكن الحقيقة ده مش صح.
طريقة تقديمك للفكرة… Pitching…
هي اللي بتفتحلك الباب.
ممكن تكون فيه أفكار أحسن منك…
لكن إنت اللي عرفت “تبيع” الفكرة وتعبر عنها صح
