من أعظم ما أنجبت مصر
الراجل إللي في الصوره ده ذو الوجه المألوف كان راجل مجنون رسمى ..
زملاء دفعته قالوا لمراته يوم جوازهم ” إشبعى من جوزك علشان هو ناوى مايطولش معانا “
- الراجل ده ماكنش تم 40 سنه كان واخد نوط الشجاعه 3 مرات و نجمة سيناء مرتين و نوط الترقيه الإستثنائيه و نوط الواجب العسكرى ..
- الراجل ده و إللى أسس المجموعه 39 قتال “صاعقه” التابعه للمخابرات الحربيه المصريه ..
دمر مخازن السلاح و الذخيره فى 67 علشان ماتقعش فى أيد العدو .. - مره الفريق عبد المنعم رياض طلب من الراجل ده طلب و قاله : يا إبراهيم الصهاينه جابوا صواريخ ” أرض- أرض” جديده ..
إحنا عايزين منهم صاروخ واحد بس ندرسه ..
فعبر القناه و جاب تلات صواريخ و فوقهم أسر الملازم “دانى شمعون” بطل المصارعه بتاعهم فى إسرائيل ..
الفريق عبد المنعم رياض قاله و هو بيضحك : مش أنا طلبت منك صاروخ واحد بس !؟
رد و قاله يا فندم يمكن نمتحن فيهم قريب ولا حاجه ف قولت أجيب بزياده علشان المراجعه النهائيه .. - الراجل ده تانى يوم إستشهاد الفريق عبد المنعم رياض 9 مارس 1969 عبر برجالته للموقع إللى ضرب الصواريخ ( المعديه 6 )و قتل 44 ظابط و عسكرى إسرائيلى ..
و دمر الموقع بالكامل و حرق العلم بتاعهم و رفع العلم بتاعنا على أنقاض الموقع ..
إسرائيل قدمت إحتجاج رسمي لمجلس الأمن بسبب وحشية العمليه دى .. - من فخره بإنتمائه للجيش المصرى ميز نفسه عن رجالته ولبس بياده لونها “أحمر” و خلال أنبل حرب خاضها الجيش المصرى فى 73 طلع على قاعدة صواريخ يتعامل مع كتيبة دبابات فى الإسماعيليه لوحده ..
وللأسف موقعه إتكشف و الصهاينه عرفوا إنه قائد المجموعه وكرسوا مدفعيتهم كلها لضربه وإستشهد زى ما كان عايز .. - مراته ساعتها صدقت إنه مجنون .. أصله كان عادى وحنين و رومانسى جدا معاها ..
كان مايبانش عليه إللى بيتقال عليه .. - الراجل ده الصهاينه كانوا مسمينه “الشبح”
و رجالته سموه ” الأب الروحي “
و الجيش المصرى سماه ” أبو الشهداء “
و مصر وقتها سمته ” الكبير “
وإحنا بنسميه ” أمير الشهداء” - بس الراجل إسمه .. البطل إبراهيم الرفاعى من أعز الرجال
بطل من بلادي مصر 🇪🇬
محمد_حجازى
سامح ابراهيم الرفاعى
سامح الرفاعى
