🎬 لو بتكتب A/V Scripts… ٥ حاجات مهم تعملها في مرحلة التحضير
كتير من التعديلات اللي بتيجي على سكريبتات الفيديو
مش بسبب إن الكتابة وحشة… لكن لأن مرحلة التحضير كانت ناقصة.
سواء بتكتب: إعلان – فيديو تعليمي – محتوى سوشيال
الخطوات دي هتوفر عليك وقت ومجهود وهتخلي السكريبت شكل احترافي.
تعالى نشوفهم 👇
١- ابحث عن الموضوع كويس
مفيش سكريبت كويس من غير بحث. طريقة البحث بتختلف من شخص للتاني، بس المهم:
– تفهم الموضوع اللي بتتكلم عنه
– تشوف اتقدم إزاي قبل كده
– وتشوف نماذج سكريبتات مشابهة
٢- حدد هدف السكريبت
اسأل نفسك :
– السكريبت ده تعليمي؟
– بيعي؟ –
ترفيهي؟
– وموجه لمين؟
💡افتكر إن سكريبت A/V بيعالج المعلومة من خلال: الصوت والصورة
فلازم تبقى عارف إزاي هتقدم موضوعك من خلال العنصرين دول.
٣- اعمل تغذية بصرية (Visual Reference)
قبل ما تكتب… شوف صور وفيديوهات.
- اجمع صور
- ستايلات وتصاميم مشابهة
- ألوان color palletes
- أمثلة.
ده هيساعدك:
– ترسم الهوية البصرية
– تتخيل المشاهد
– وتكتب وصف الصورة بسهولة
💡 أدوات مفيدة: Pinterest – Freepik – Google Images
٤- قسم الموضوع بتاعك
أي سكريبت محتاج بناء واضح. من أبسط وأكتر التقسيمات الفعالة:
– Hook يخطف الانتباه
– تمهيد
– عرض المشكلة
– الحل / الإجابة
– CTA أو سؤال تفاعلي
ده مش الشكل الوحيد… لكن من أكتر الأشكال اللي بتجيب نتيجة كويسة خصوصًا على السوشيال ميديا.
٥- اختار التكنيك قبل ما تكتب
متستناش للكتابة علشان تقرر “هتحكي الموضوع إزاي”. اسأل نفسك من الأول: هستخدم أنهي تكنيك؟
زي:
– Voice Over
– Storytelling
– Performance / تمثيل
– Visual Storytelling
كل تكنيك ليه تأثير مختلف واختياره من الأول بيظبط الإيقاع والأسلوب.
🎬 جرب كده: قبل ما تكتب أي سكريبت جديد راجع الخمس خطوات دول. هتلاحظ إن الكتابة بقت أسهل والتعديلات أقل والرؤية أوضح.
