رساله من ام وسيده راقيه رغداء السابق
من حماية 💗💗
شوفو يا جماعة انا صرت حما من ١٧ سنة لتلات نسوان محترمات وبنات اصول يشهد ربنا اني عمري ما دخلت بحياتهم ولا زعلت وحدة بكلمة التلاتة الحمدلله بيتنافسوا مين يرضيني اكثر وانا بدعيلهم ربنا يباركلهم بحياتهم وولادهم السر بسيط من يوم ما ولادي اتجوزوا مفاتيح شققهم عندي بالخزانة بس عمره ما خطر ببالي افتح شقتهم ولا ادخلها ولا عمري حاولت اعرف هم شو بيحكوا او ليش بتخانقوا لو سمعت صوت عالي بسكر شباكي وخلص مش شغلي ولا مرة سألت ابني كنتوا بتتطاوشوا ليه ولا سألت ولادهم

عندي ابن ربنا مأخر عليه الخلفة 11 سنة والله ما فتحت تمّي ولا قلتله روح اتجوز ولا حكيت عن الموضوع كنت دايماً احكيله خليك معها بالهداوة وربنا رح يكرمك
والحمدلله رزقهم بثلاث توأم عمري ما قعدت استنى حد فيهم يجيبلي اشي ببعت السيارة يجيب اي اشي حتى لو بشار وبطلع فيه لكل شقة اقعد معاهم شوي دردشة وارجع بيتي ربنا يعينهم على الاولاد والمصاريف والتعب انا كنت بسنهم وعارفة شو يعني بيت وولاد ومسؤولية برمضان ولا مرة فرضت عليهم يفطروا عندي بنمشي بنظام كل يوم ببيت منهم واليوم اللي عندي منجيب اكل جاهز عشان ما يتعبوا بدي ياهم يفطروا مبسوطين مش مجبرين انا عندي راتب والحمدلله ما عندي مسؤوليات كبيرة فكل شهر بعد ما أطلع حق ربنا بشتريلهم هدية بسيطة كل وحدة حتى لو شالة هيك على قدي عندي بنت واحدة اكبر منهم كلهم وبرغم هيك بنادي نسوان ولادي بأم فلان وباحترمهم مثل ما باحترم بنتي بالزبط لو كل ام فهمت انو بنات الناس تاركين بيوتهم واهلهم وجايين يعيشوا مع ولادنا يعني ابنك هو اللي راح الهم مش هي اللي خطفته منك ولو كل وحدة فهمت انو بيت ابنها لابنها ومرته مع بعض مش الها ما بصير تفتح تلاجتهم ولا تدخل غرفهم وتحكي هاد بيت ابني اتقوا ربنا بولادكم وبنات الناس اللي تاركين اهلهم وجايين يعيشوا معاكو ولا تنقو عليهم لو راحوا ينبسطو ولا تحسدوا مرت ابنكم لو جاب الها هدية
خلو كل واحد يعيش حياته…