في زمن السرعة والزحمة، طلعت حكاية بسيطة بس لمست قلوب ناس كتير …
عاملة نظافة في منطقة أهرامات الجيزة، لا منصب ولا أضواء… بس قلبها أبيض وابتسامتها حاضرة.
بتشتغل من قلبها، بتنظم الطوابير، بتضحك للناس، وبتخدم السياح من غير ما حد يطلب منها، كأنها صاحبة المكان مش مجرد موظفة فيه.

سائحة أجنبية شافتها، صورتها، وقالت: «ألطف إنسانة قابلتها في رحلتي» تقريباً الحاجات دى صعب يشوفوها فى بلدهم..
وفجأة… الفيديو انتشر واللى تقريباً مصر كلها وملايين حول العالم شاهدوا هذا السيده ، والناس كلها اتكلمت، والتقدير جه من حيث لا تتوقع.

وكان أول رد فعل من العاملة الطيبة دى قالت ببساطة:
«بحب شغلي وبعمله من قلبي… ومعرفتش إن ده كله هيحصل».
ورؤساءها فى الشركه اللى بتعمل فيها كرموها بـ 10 آلاف جنيه ورحلة عمرة ماشاء الله ربنا يوعدنا، بس الحقيقة إن مكافأتها الأكبر كانت حب الناس واحترامهم ….
من غير حملات دعايه ولا إعلانات… عملت ،أحلى دعاية للسياحة في مصر… بابتسامة صادقة وعمل جاد وإخلاص.

القصة دي بتفكرنا إن ..العمل الشريف مش عيب..
وإن اللي يشتغل بإخلاص، ربنا والناس هيشوفوه
وإن مصر لسه بخير… طول ما فيها ناس بتشتغل من قلبها.

الديب

تحيا_مصر