كيف منقدر نميز السنديان عن البلوط؟
لنميز السنديان عن البلوط الموضوع كتير بسيط …
طبعا التنين اسمن سنديان وعنا السنديان العادي (Quercus calliprinos) ,والسنديان البلوطي(البلوط) Quercus infectoria.
1-من خلال الأوراق : أوراق السنديان العادي دائماً صغيرة وقاسية وعنقا صغير حافتا مسننة شوكية وأوراقا لماعة عالوجهين أما عند البلوط أوراقا متساقطة مسننه بس مو بشكل شوكي وأحيانا شبه كاملة وبيضوية متطاولة.
2- من خلال البلوطة ( بالعامية الدوامة) :حراشف السنديان العادي واضحة أكتر السفلية منطبقة على بعضا والوسطى والعلوية رمحية وبتنضج بالسنه التانية أما البلوط فثمارو بتنضج بالسنة الأولى وحراشفا وبرية وقصيرة ومنطبقة عبعضا .

.# يوميات مهندسة زراعية#مجلة ايليت فوتو ارت.