بزواريب “حي الأمين” بقلب الشام القديمة، كان في عيادة صغيرة لطبيب اسمه “إيزاك طوطح”.
الدكتور إيزاك كانت “ديانته يهـ..وديه”، والناس اللي حواليه بالحي أغلبيتهم مسلمين ومسيحيين.
بيوم شتوي، ركض “أبو محمد” بلهفة لعند الدكتور، ابنه الصغير حرارته متل النار وعم يختلج.
حمل الدكتور شنطته ومشي تحت المطر لبيت أبو محمد البسيط.
فحص الولد، وعطاه إبرة، وكتبله وصفة دوا.
أبو محمد كان واقف مكسور، عم يفرك إيديه ببعض، ومحتار كيف بدو يقله “ما معي حق الكشفية ولا حق الدوا”.
همس للأم: “دبري حالك بأي شي نعطيه للدكتور”.
الدكتور طوطح، اللي كان حافظ وجع الناس أكتر من أساميهم، حس بالوضع.
وهو طالع، حط الوصفة ع الطاولة، وحط تحتها “مبلغ” من جيبته.
أبو محمد انصدم وقله: “يا دكتور.. نحنا مديونين إلك، بتقوم تعطينا؟!”.
ابتسم الدكتور طوطح وقله جملته اللي ما بنساها أهل الشام:
“يا أبو محمد.. المرض ما بيسأل عن دينك، والإنسانية ما إلها قبلة.. ابنك متل ابني، جيب الدوا وخلي الولد يطيب”.
عاش وما..ت “طوطح” والكل يترحم عليه، ما حدا قال “هاد يهـ..ودي”، الكل قال “هاد إنسان”.
يا جماعة.. إذا كان “يهـ..ودي” و”مسلم” جمعهم رغيف الخبز ووجع المرض بالشام القديمة..
معقول “كردي” و”عربي”، ومسلم أو مسيحي ..ولاد أرض وحدة ومي وحدة، يفرقهم الشيطان؟
القلوب البيضا ما بيوسخها اختلاف الأديان والقوميات..
لا تخلوا الحقد يمحو تاريخنا الحلو.

*منقول عن صفحة الدكتور: مأمون علواني.

******************************************
– المصادر:
– موقع مجلة : الحرف والكلمة
– نادي الكتاب اللبناني
– الإتحاد العربي للثقافة
– صفحة المواهب الفوتوغرافية
– موقع :Role- بي بي سي
موقع : عالم التقنية
https://p.dw.com- موقع ألمانيا
– المصدر: https://dantri.com.vn
– موقع عكاظ
– موقع الشرق الاوسط
– موقع رؤية
– جائزة هيبا www.hipa.ae
– موقع الإمارات اليوم
مواقع تواصل إجتماعي – ويكيبيديا.
– موقع: ويب طب www.webteb.com
– موقع الشرق
– موقع اليوم السابع
– العربية.نت
– موقع: دبي، الإمارات العربية المتحدة (CNN)
– موقع الجزيرة.نت
موقع : مصراوي
موقع: إيليت فوتو آرت
https://elitephotoart.net
– مواقع: الصحافة الأجنبية