لو كل اللي نشرناه قبل كده لم يبهرك بقدرة الله عز وجل، فتعالَ لتشاهد ما وجدناه في قاع البحار والذي أدهشنا جميعاً!تخيل إنك بتغوص على عمق عشرات الأمتار في قاع المحيط الياباني، وفجأة تحت أقدامك تلمح لوحة دائرية ضخمة محفورة في الرمال! دوائر منتظمة بدقة متناهية، ومتموجة بأسلوب هندسي معقد يصعب على عقل بشر يصدق إن اللي عمله كائن حي.. فما بالك لما تعرف إن مهندس اللوحة دي طوله مش بيتعدى 12 سنتيمتراً فقط؟!إنه ذكر سمكة البخاخ اليابانية (White-spotted Pufferfish).القصة بتكشف عن دراما حقيقية من الصبر والتضحية؛ فالسمكة الصغيرة دي بتخوض معركة قاسية ضد التيارات البحرية القوية. على مدار 7 أيام بلياليها، بتفضل تشتغل من غير نوم ولا راحة لثانية واحدة! بتستخدم زعانفها الصغيرة وجسمها كله عشان تحفر الرمال، وترفع الصخور القاسية لبره، وترتب القواقع البحرية على أطراف الدوائر كأنها جواهر بتزين بيها تحفتها المعمارية.لو ارتاحت دقيقة واحدة، التيار كفيل إنه يردم كل شغلها وتعبها.. عشان كده بتفضل تعافر بكل قوتها لحد ما تكتمل الدائرة الهندسية المذهلة دي (اللي بيوصل قطرها لأكثر من مترين!).والهدف من المجهود الجبار ده؟ مجرد جذب الأنثى عشان تشوف اللوحة المعمارية وتطمن إن المركز الناعم المحمي في المنتصف هو المكان الأأمن لإيداع بيضها لحمايته من التيارات!يعني الذكر بيحاول يثبت للأنثى إنه زي ما قدر يصمم هذه اللوحة الهندسية ويحافظ عليها من التيارات المائية القوية في الأعماق من غير ما تتهدم، هيكون قادر يوفّر الحماية والأمان لبيضها لو وافقت عليه! 💞﴿هَٰذَا خَلْقُ اللَّهِ فَأَرُونِي مَاذَا خَلَقَ الَّذِينَ مِن دُونِهِ﴾سبحان مَن ألهم هذا المخلوق الصغير هذه الدقة الهندسية والقدرة الخارقة على البناء وسط ظروف المحيط القاسية، وزوّده بمهارة تفوق عقول مهندسي البشر لحماية نسله وبقائه

#كوكب الطيور#مجلة ايليت فوتو ارت