طفرة علمية هتغير شكل البيوتكنولوجي والطب في المستقبل!
علماء بيوتكنولوجي أستراليين أعلنوا عن اختراع ثوري اسمه PROTEUS – نظام أشبه بـ”ذكاء صناعي بيولوجي” بيشتغل جوا خلايا شبه خلايا الإنسان! 😳
يعني إيه الكلام ده؟
يعني بدل ما نقعد سنين نطوّر بروتين يعالج مرض معين، PROTEUS يقدر يطوّر ملايين النسخ ويختار أفضلها في أسابيع بس!
تخيل إنك بتطلب من النظام ده يحل مشكلة زي: “عايز بروتين يوقف جين مسبب لمرض خطير”…
يقوم هو يجرّب ملايين الحلول جوا الخلايا نفسها ويطلعلك بروتين شغال بكفاءة عالية!
النظام ده مختلف عن أي حاجة قبل كده لأنه مش شغال على بكتيريا، لأ… ده بيشتغل جوا خلايا شبه خلايانا، وده اللي بيفتح الباب لاستخدامه في:
العلاج الجيني ، أدوية mRNA، تشخيص السرطان، تطوير أدوات CRISPR أذكى وإنزيمات مصممة مخصوص لعلاج أمراض معقدة
الخبر الحلو كمان إن الأداة دي مفتوحة المصدر (open source)، يعني أي باحث في العالم يقدر يستخدمها ويطوّر عليها!
ببساطة، إحنا على أعتاب جيل جديد من العلاجات… الذكاء الصناعي الحقيقي مش بس موجود في الكمبيوتر، ده بقى بيشتغل جوا الخلية نفسها
🔬 الدراسة منشورة في Nature Communications – يوليو 2025
(Alexander J. Cole et al)
#اخبار العلوم#مجلة ايليت فوتو ارت.
