گطين أوشجر أبو رگيبه أو (مله أحمد)
نوع من اليقطين( الگطين) يختلف بشكله عن الشجر العادي لأن بيه رگبه لذلك اهلنه يسموه شجر ابو رگيبه او (مله احمد) وسبب التسميه يگولون في بداية زراعته چان أكثره يطلع مر وميعرفون السبب، فراحو لشخص بالقريه يفتهم كلش بالزراعه وسألوه فنصحهم نصيحة بأن يحزون رگبة الگطينه بشي حاد وهيه بعدها بالهرش يعني گبل ميقطفوها، وفعلا جربو الطريقة وطلعت ناجحه وصار الگطين كله حلو ومابيه أي مروره، وهذا الشخص كان إسمه (مله أحمد) لذلك گامو يسموه شجر، أو گطين (مله أحمد) على هذا الأساس، بالمناسبة هذا النوع من الشجر بي هوايه فوائد ويصير مرگة كلش طيبة للي يعرف يطبخها، بس شو أكثر الناس محد يحب أكله ما ادري ليش؟ واليوم جابلي أخ وصديق عزيز عليه اسمه (حجي عبد الزهرة أبو محمد) كمية من شجر ابو رگيبه أو (مله احمد) جزاه الله خير الجزاء، لذلك حبيت أحچيلكم عليه، وليش سموه بهذا الأسم.

#محمد عبد الجليل#مجلة ايليت فوتو ارت.