شو قالوا اجدادنا عن آذارمع بداية شهر آذار، إليكم بعض الأمثال و الأقاويل -آذار يا ابن عمّي، ٤ منّك و٣ منّي تنوقد العجوز ردانا ونبيعها فدانا.- بآذار بتنقل الشمس من برج الحوت وبتقول للبرد موت.- بآذار بيرنّخ الراعي وبينشف بفرد نهار.- حشيش آذار للشطّار وحشيش نيسان للكسلان.- خبّي فحماتك الكبار لعمّك آذار.- راح شباط الغدّار وإجا آذار الهدّار.- الزرع لي بموّتو آذار ما بيحييه نيسان.- عجل آذار وجحش نيسان أحلى شي للإنسان.- بشهر آذار بيشنهق الحمار.- كلّ رعدة بآذار شتوي بنيسان.- ما لك طرش يقوم ولا مركب يعوم إلا بعد مستقرضات الروم.- شتوِة آذار بتضيّع الراعي عن باب الدار.- يوم عيد البشارة إذا كان في السما غيمة دور الكارة ما بيطلع من القزّ ولا شكارة.- بآذار بفتح الورد.. زرار زرار.- برد آذار بقص المسمار.- أول عشرة من آذار حضر فحماتك الكبار وآخر عشرة من آذار ضهر بقراتك عالدار.- آذار الهدّار فيه الأمطار فيه ٧ تلجات كبار ما عدا الزغارأُحرث الارض في آذار لو السيل كرار.نتمنى أن يكون شهر خير وسعادة # # حكايات الضيعة# مجلة ايليت فوتو ارت.