محاورة عالخاص بيني وبين الشاعر الإستاذ
علي عزيز عمار …حفظه الله.

أ.علي
باليسر… ياما صحاب… عَ بيتي لفوا
وتهرّبوا وبساعة العسر …….. اختفوا
من هون بدّي…. خاطبك… يا بوعلي
الصاحب بسرك ……. ما بتقدر تعرفو
هيثم
لمّا الشعر بيكون ……….. دُر بأحرفو
صعبة عليي كتير………. إقدر إنصفو
شاعر إنت…. وكبير….. والمتلك ملك
ومن شِعرَك الشعّار ……. لازم يغرفوا
هيثم
من سنين ناطر……… عالمحبة نلتقي
تا شم من حروفك……. هالعطر النقي
ولمّا بصباحك….. عطّرتني بصفحتي
بلّشت عالمريخ ………… إعلا وإرتقي
أ.علي
رغم البعد… يا بو علي…. بتبقى معي
بنبضات قلبي…… العم ينقّور أضلعي
لكن زماااان السوء ……… بااااعد بيّنا
وفتنا بظرف… ما ترك بالعاقل… وعي
هيثم
يللي بشعرو دوووم…. بغني مسمعي
من وقت ما جفني.. عَ هالدنيي وعي
ومن كتر ما مشتاق…. إهنى بعطركم
ل عندكم يا كبييير….. جديت السعي
ومن موهبة.. وفكر… وقوافي مبدعة
وقامة بحجم الشمس..بعدا مشعشعة
انكان الزمن بظروف…….. بااااعد بيّنا
إن ما جيتك الإثنين…… بيجي الأربعا
أ.علي
لمّا الظروف …… بتوّصلك…… عَ بيتنا
بينّتابني إحساس ….. شرّفنا …… ولي
ورغم الظلام ……….. وإنقطاع الكهربا
بتضوي البلد …… بوجودكم يا بو علي
هيثم
جايي عَ بيت العز ……. إنهل معرفي ة
ال شمسو محبة ونور… صعبة ينطفي
وشو هَم… عَتم يكون … وما في كهربا
من نور وجّكم هالكريم ……… منكتفي
وإنت قصيدة ….مدوّزني ة وملحّني ة
ومرجة محبة ………. بالزهور ملوني و
وقدّام عرشك بالشعِر ……….. يا كبيرنا
كل القصايد….. والقوافي …… بتنحني.
3/9/2024