في قلب الجبال الوعرة في إثيوبيا وتحديدًا في إقليم تيغراي، وعلى ارتفاع شاهق يصل إلى 2,580 مترًا فوق سطح البحر، تقف كنيسة “ألبابا يمعتا جوه” كأنها سر مخبأ بين الصخور…
المدخل؟ مش طريق عادي خالص… ده موجود في نص جبل عمودي! علشان توصل، لازم تتسلق لمسافة كبيرة، وتعدي على حواف ضيقة جدًا، وأحيانًا تمشي حافي القدمين عشان تمسك في الصخور كويس… تجربة أقرب للمغامرة منها لزيارة عادية!
الكنيسة” تاريخها بيرجع للقرن الخامس الميلادي، وبتنسب للقديس “يمعتا”، أحد التسعة قديسين اللي دخلوا المسيحية لإثيوبيا.
ورغم قسوة الطريق ومظهر الجبال المخيف المهيب ، في الداخل المكان حاجة تانية خالص… رسومات دينية وزخارف ع الجدران والأسقف المقببة، ألوانها لسه زاهية بشكل مدهش رغم مرور أكتر من 1500 سنة! وده بسبب جفاف المكان وبعده عن العوامل الجوية.
🪨 الكنيسة نفسها مش مبنية… دي منحوتة بالكامل داخل صخرة من الحجر الرملي! يعني الجبل نفسه هو الجدران والسقف والحماية، وده بيخليها واحدة من أغرب وأندر الكنائس في العالم.
ويُقال إن اختيار المكان ده مكانش صدفة… بل كان هروبًا من الصراعات، وسعيًا للعزلة والعبادة،
والمدهش كمان إن مفيش طريق ممهد أو درجات، كل اللي يوصلك للمكان هو شجاعتك، وتوازنك.

# مجلة إيليت فوتو آرت