في مرة صلاح سالم كان سايق عربيته الچيب ورايح على منشية البكري عشان يلحق اجتماع مهم جداً
و​ أثناء مروره في ميدان باب الحديد
فجأة وبدون مقدمات عربية ملاكي كان سيقها راجل كبير ومعاه واحدة ست جميلة قاعدة في الكنبة الخلفية، انحرفت عليه واحتكت بعربيته
فـ صلاح سالم وقف العربية وهو مضايق وزعق للسواق وقاله:👇👇
مش تحاسب يا عم أنت؟ إنت مش شايف قدامك؟
و​بدل ما السواق يعتذر شتــم صلاح سالم وداس بنزين وجري فـصلاح سالم مكنش من النوع اللي “يعدي” الإهانة فقرر يطارده بعربيته الچيب في شوارع القاهرة لحد ما العربية وقفت قدام محل “الزعبلاوي” وده كان زمان من أشهر المحلات اللي بتصنع الكراسي الحديد
و​نزلت من العربية ست زي القمر ملامحها مصرية أصيلة ودخلت المحل
فـ صلاح سالم نزل وراها وهو شايط ودخل المحل يعاتبها على “قلة أدب” السواق بتاعها لكن المفاجأة إن الست دي مكنتش “كيوت” خالص وبدل ما تعتذر ردت الإهانة بإهانة أكبر وشتـ.ـمته هي كمان
و​في لحظة غضب صلاح سالم “فقد السيطرة على نفسه” ورفع إيده وضـرب الست قلم بكل قوته على وشها
و​هنا الدنيا قامت ومقعدتش والست اندفعت وحاولت تضـربه وتردله القلم فـ الزباين اتلموا وأول صاحب المحل شاف وش صلاح سالم ركبه خبطت في بعض وجري على الست وهمس في ودنها وهو مرعوب وقالها:👇👇
يخرب بيتك يا ست نعيمة ده صلاح سالم ده بتاع الثورة
هتودي نفسك في داهية
و​في اللحظة دي الست هي كمان اتصدمت
والست دي كانت نعيمة عاكف أشهر راقصة وممثلة في مصر وقتها نعيمة أول ما عرفت هي بتشتم مين انهارت وقعدت تعيط.
وصلاح سالم اللي حس إنه اتهان في المحل راح جرى على تليفون المحل وطلب القيادة وقالهم وهو بيزعق وقال :👇👇
أنا اتهنت. والثورة اتهانت في محل الزعبلاوي. عايزكم تجولي هنا حالاً
و​تاني يوم البوليس الحربي كان قدام بيت نعيمة عاكف وجوزها المخرج حسين فوزي حاول يتدخل لكن الأوامر كانت واضحة وفي مكتب التحقيق نعيمة كانت بتترعش من الخوف ودموعها مش بتقف
وهناك دخل ظابط علي نعيمة عاكف وقالها:👇👇
صباح الخير يا ست نعيمة
ومن وسط دموعها ردت وقالت:👇👇
صباح النور يا سعادة البيه والله ما كنت أعرف إن ده صلاح سالم
فقالها الظابط:👇👇
حضرتك غلطتى فى الصاغ صلاح سالم وده عضو من أعضاء مجلس قيادة الثورة وله سلطة السيادة وهو مصمم أنه يقدمك للمحاكمة واحنا بنتحايل عليه انه يعدي الموقف لكنه مصمم
فقالت نعيمة عاكف للظابط وهي منهارة من العياط:👇👇
يا سعادة البيه اللى ما يعرفك يجهلك انا مكنتش اعرف سواقى اللى شتمه ولما سعادة البيه حاول يوقف عربيتنا ونزل ورايا المحل أنا افتكرته واحد قليل الأدب جاى يعاكسنى وحصل اللى حصل
فـ حاول الظابط يطمنها وقالها:👇👇
إحنا هنسيب الموضوع شوية لغاية ما صلاح يهدى والمشكلة ان شاء الله هتتحل
قالت:👇👇
طب ممكن امشى دلوقتى؟
الظابط قالها:👇👇
لا. هتفضلى معانا شوية لحد لما نشوف هنعمل ايه
وفي نفس اليوم كان مجلس قيادة الثورة مجتمع بكامل هيئته برئاسة البكباشي جمال عبد الناصر قائد مجلس قيادةالثورة.
فـ الظابط عشان ينقذ الموقف اقترح على نعيمة تكتب اعتذار رقيق لصلاح سالم ويروح بيه الاجتماع
لكن المشكلة إن نعيمة مكنتش بتعرف تقرأ ولا تكتب
فـ ​الظابط بذكاء خلاها تكتب على الورقة عن طريق تحريك ايدها وهى بتكتب اعتذارها وفعلاً كتبت اعتذار “عاطفي” جداً نصه:👇👇
​عزيزي صلاح سالم بكل دقة في قلبي وكل شعرة في رمش عيني أنا بعتذرلك وبقولك أنا آسفة جداً وحقك عليا.. ويا بخت من قدر وعفى والترضية اللي تؤمرني بيها أنا تحت أمرك. أرجوك تسامحني
فضحك الظابط لإن الرسالة كانت أقرب لخطاب حب مش اعتذار
فـ الضابط أخد الورقة وراح بيها الاجتماع فورًا
وكان هناك تعليمات للحرس بأن الظابط ده يدخل فوراً في أى اجتماع
و​دخل الظابط الاجتماع وكان عبد الناصر على رأس الإجتماع فـ جمال عبد الناصر شاف الظابط وسأله عن موضوع نعيمة عاكف؟
فالظابط اداله الورقة وقاله:👇👇
ده اعتذار من الست نعيمة يا فندم
قـ قرأ ​عبد الناصر الجواب وفجأة ضحك ضحك هستيري
فـ عبد الحكيم عامر استغرب وقاله:👇👇
بتضحك على إيه يا چيمي
فـ عبد الناصر اداله الورقة وعامر أول ما قرأ “بكل شعرة في رمش عيني” دخل هو كمان في نوبة ضحك هيستيرية
و​كل أعضاء المجلس قرأوا الورقة وضحكوا إلا صلاح سالم هو اللي كان قاعد بيبص للظابط بغيظ وبيقوله:👇👇
إيه الكلام الفارغ ده؟
إنت بتقكع الإجتماع عشان رموش عين الست نعيمة؟
​وفجأه صلاح سالم هو كمان ضحك بشكل هستيري
فـ عبد الناصر بص له وقاله:👇👇
خلاص بقى يا صلاح. الست استحلفتك برموش عينيها والمسامح كريم
​وعدى الموقف مع نعيمة عاكف على خير وروحت بيتها