تخيل إنك غطست في أعمق نقطة في المحيط.. الضلمة كاحلة، والضغط رهيب، والقاع كله رملة ورواسب!
وفجأة.. تلمح سمكة غريبة، بدل ما تسبح في المية زي باقي الأسماك، ماشية على الرملة! ومش بس بتمشي لقدام.. دي بترجع بظهرها لورا بكل ثقة، وتتحرك للجنب وكأنها ماشية على رجليها بالضبط!
إزاي سمكة بتمشي وترجع لورا؟
الكائن ده اسمه العلمي (Scalicus engyceros). السر كله في زعانفها الصدرية؛ ربنا خلق فيها أجزاء بارزة متخصصة شبه “الأصابع”، بترتكز عليها وتمشي بيها على قاع المحيط زي السلطعون!
وفي 2026، العلماء سجلوا ليها لقطات وهي بتمشي لورا وللجنب.. سلوك نادر جداً صدم الباحثين!
طب اشمعنى السمكة دي بتمشي ومش بتعوم زي باقي الأسماك؟
لما العلماء راقبوها، اكتشفوا إن أكلها بيبقى مدفون جوة رواسب الطين؛ فالأصابع الدقيقة دي بتساعدها تنبش في القاع وتوصل لغذائها بسهولة، ومن غير ما تستهلك طاقتها في السباحة وسط الضغط العالي ده.
سبحان الله.. ربنا مش بينسى أي مخلوق، وبيهيئ لكل كائن أدوات وقدرات خاصة عشان يعرف يعيش:👌
#Scalicus_engyceros #ScalicusEngyceros مجلة ايليت فوتوارت
