في عزاء سيد زيان حصل حاجة غريبة جداً لما وقف راجل غريب بيبكي ويدعي بحرقة في وسط المعزين، ولما بنته سألته: أنت تعرف بابا؟، رد عليها بجملة قلبت الموازين.. يا تري إيه هو السر اللي خلى الكل يبكي على سيد زيان وإيه سر شوال البلح والسكر اللي اتوزع في الضلمة؟

الفنان اللي كان بيضحك ملايين، كان بيخبّي ورا ضحكته دي أسرار تبكي من كتر جمالها وإنسانيتها، والحقيقة اللي كشفتها بنته إيمان بعد سنين من رحيله خلت الكل يقف مذهول قدام سيد زيان الإنسان اللي محدش كان يعرفه.

الموضوع بدأ لما إيمان كانت بتقضي الصيف في مارينا، ولقت راجل غريب بيدعي لوالدها بحرقة ودموع مش طبيعية، ولما سألته: أنت كنت بتحب بابا للدرجة دي؟، الرد كان صدمة ليها ولينا كلنا.

الراجل حكى لها إن الفنان سيد زيان هو اللي عمله كيانه من العدم.

الحكاية إن الراجل ده دخل بيت سيد زيان زمان، وطبخ له هو وصحابه أكلة معتبرة، فعمنا سيد قاله: نفسك في إيه يا بطل؟.

ولما قاله إنه بيحلم بمطعم في إسكندرية، الفنان مكدبش خبر، وقاله: انزل نقي المحل اللي يعجبك والمعدات عليا.

وفعلاً، المحل فتح وبقى براند، ولما الراجل راح يرجع له الفلوس من المكسب، سيد زيان رفض تماماً وقاله: الفلوس دي حلال عليك وعلى عيالك.

بس المفاجأة الأكبر كانت في أيامه الأخيرة، قبل تعبه ورحيله بـ 48 ساعة بس، نادى على بنته إيمان وسألها: وراكي حاجة؟.

ولما قالت له لأ، سلمها مفتاح العربية وقالها جملة تقشعر لها الأبدان: انزلي افتحي الشنطة، هتلاقي شوال سكر وشوال بلح، وزعيهم على الناس الغلابة في صمت.. ومش عايز حد يلمحك ولا يعرف أنتِ مين.

سيد زيان مكنش بس كوميديان عبقري، ده كان مؤسسة خيرية ماشية على الأرض، بيزرع الخير في السر عشان يحصده في الآخرة.

الراجل ده أثبت إن الفنان الحقيقي هو اللي سيرته بتفضل عايشة بأعماله الإنسانية قبل أفلامه ومسرحياته، والوسط الفني كله فقدوا قامة كبيرة سابت أثر ميتنسيش.

سيد زيان في الأصل كان مهندس طيران في القوات الجوية، يعني شخصية منظمة جداً بره التمثيل، اتجوز من بره الوسط الفني وكان حريص إن بيته يفضل خط أحمر.. وأنجب 7 أبناء (5 بنات وولدين).

أكبر وجع في حياة سيد زيان مكنش التعب، وكان فقدان ابنه الشاب أيمن سنة 2002، أيمن توفى فجأة والصدمة دي كانت القشة اللي قسمت ظهر الفنان الكوميدي.

سيد زيان من كتر حزنه وكسرته دخل في نوبة اكتئاب شديدة، والكل بيقول إن الجلـ.ـطة اللي جاتله وشلت حركته كانت وجع قلب وحزن مكنش قادر يشيله على فراق ابنه.

والسنين الأخيرة في حياة عم سيد كانت صعبة مش بس بسبب التعب، لكن بسبب خلافات ولاده على الميراث وهو لسه عايش!

بناته رفعوا قضية حجر عشان يحموا ممتلكاته، وده خلى الوسط الفني كله يتفاجئ باللي بيحصل جوه البيت اللي كان دايمًا مقفول عليه.

النقطة اللي تخلي أي حد ينبهر بشخصية الراجل ده، إنه خلال 13 سنة صراع مع التعب والشلل، مستسلمش.

سيد زيان قرر يستغل قعدته في البيت وتفرغه، وقدر يحفظ القرآن الكريم كاملًا وهو تعبان!

بنته إيمان حكت إن لسان والده اللي كان تقيل في الكلام بسبب تعبه، كان بينطلق ويبقى زي البلبل وهو بيقرأ القرآن، وكان بيجود الآيات بصوت خاشع وكأنه بيستعد للقاء ربنا بقلب سليم.

رحم الله سيد زيان وأسكنه فسيح جناته

#فضلا اضغط علي#متابعة
꧁༺ جلال الدين للقصص ༻꧂
*************************
– المصادر:
– موقع: سانا السوري
– المجلة الجزائرية الثقافية
– دبي، الإمارات العربية المتحدة (CNN)
– مجلة كل الأسرة
– مجلة: الرافد الإماراتية
– موقع وكالة سانا السورية
– موقع : إرم نيوز www.eremnews.com
– موقع مجلة : الحرف والكلمة
– نادي الكتاب اللبناني
– الإتحاد العربي للثقافة
– صفحة المواهب الفوتوغرافية
– موقع :Role- بي بي سي
موقع : عالم التقنية
https://p.dw.com- موقع ألمانيا
– المصدر: https://dantri.com.vn
– موقع عكاظ
– موقع الشرق الاوسط
– موقع رؤية
– جائزة هيبا www.hipa.ae
– موقع الإمارات اليوم
مواقع تواصل إجتماعي – ويكيبيديا.
– موقع: ويب طب www.webteb.com
– موقع الشرق
– موقع اليوم السابع
– العربية.نت
– موقع الجزيرة.نت
موقع : مصراوي
موقع: إيليت فوتو آرت
https://elitephotoart.net
– مواقع: الصحافة الأجنبية