كل ما تريد معرفته عن “الفرمي كمبوست 🌱💰
لو بتدور على “السر” اللي يخلي أرضك حية، وإنتاجك طبيعي 100%، وتوفر في المصاريف، يبقى لازم تعرف يعني إيه فرمي كمبوست.

🤔 يعني إيه فرمي كمبوست؟
هو سماد عضوي ناتج عن هضم أنواع معينة من ديدان الأرض (زي الريد ويجلر والتايجر) للمخلفات العضوية. الدودة دي بتاكل المخلفات وتطلعها “كاستنج” (مخرجات) غنية جداً بالعناصر والأنزيمات.

✅ فوائد الفرمي كمبوست (ليه هو أغلى وأفضل من الكمبوست العادي؟):
غنب بالبكتيريا النافعة:
يحتوي على ملايين الميكروبات النافعة اللي بتنشط التربة وبتهاجم الفطريات الضارة (يعني سماد ومبيد حيوي في نفس الوقت).

هرمونات نمو طبيعية:
غني بالأوكسينات والسيتوكينينات الطبيعية اللي بتخلي الجدر يضرب في الأرض والزرع يفجر نمو خضري.

توفير المياه:
بيقدر يمسك المية حول الجذور لفترات طويلة، وده بيخلي الزرع يتحمل العطش والحرارة.

عناصر ميسرة:
النيتروجين والفوسفور والبوتاسيوم فيه موجودين بصورة “جاهزة” النبات يمتصها فوراً، عكس السماد البلدي اللي بيحتاج شهور عشان يتحلل.

خالي من السموم:
مفيش فيه بذور حشائش، ولا نيماتودا، ولا فطريات، لأنه بيتم إنتاجه تحت رقابة وفي بيئة معقمة بفعل أنزيمات الدودة.

📏 معدلات الاستخدام (تحط قد إيه لأرضك؟):
تختلف الكمية حسب نوع المحصول وحالة الأرض، لكن المعدلات المتوسطة هي:

المحاصيل الحقلية (قمح، بنجر، ذرة):
من 500 كجم إلى 1 طن للفدان (يُضاف مع التجهيز).

محاصيل الخضر (طماطم، بطاطس، فراولة):
من 1.5 إلى 2 طن للفدان (يُوضع في الخطوط تحت الشتلة).

الأشجار المثميرة (موالح، مانجو، زيتون):
الأشجار الصغيرة: 2-3 كجم للشجرة.
الأشجار الكبيرة: 5-7 كجم للشجرة (يُوضع في حفرة دائرية حول الشجرة).

نباتات الزينة والمنزل:
يخلط بنسبة 1 (فرمي) إلى 4 (تربة).

شاي الفرمي (المنقوع): ي
مكن نقع الفرمي كمبوست في مية ورشه ورقي أو حقنه مع الري كمنشط نمو جبار.

⚠️ نصائح ذهبية عند الشراء والاستخدام:
احذر الشمس:
الفرمي كمبوست “سماد حي”، لو اتعرض للشمس المباشرة البكتيريا اللي فيه بتموت. لازم يتغطى أو يندفن في التربة.

الرطوبة:
لازم يفضل “مندى” (رطب) عشان تحافظ على كفاءته.

اللون والرائحة:
الفرمي الأصلي لونه أسود داكن (زي التفل) وريحته زي ريحة “تربة الغابات” أو الأرض المبلولة، ملوش أي ريحة وحشة.

منتجات تدعم كفاءة الفرمي كمبوست في أرضك:
هيوميك أسيد عالي الجودة: يفضل إضافته مع الفرمي لزيادة قدرة التربة على الاحتفاظ بالعناصر.

منشطات جذور فسفورية:
تعمل بالتكامل مع الأنزيمات الموجودة في الفرمي لتحقيق انفجار في المجموع الجذري.

كبريت زراعي:
يساعد في خفض PH التربة مما يسهل على النبات امتصاص كنوز الفرمي كمبوست.

مين جرب الفرمي كمبوست الموسم ده؟ وايه الفرق اللي لاحظته في زرعك؟ شاركونا تجاربكم في التعليقات! 👇

#زراعة #فرمي_كمبوست #الزراعة_الذكية #تسميد
#مجلة ايليت فوتو ارت