تزوجت وكان عمرها 14 سنة وعاشت حياة بعيدة عن الأضواء، مع ابن عمتها في نيجيريا .. ولما ربحت هيفاء وهبي لقب ملكة جمال لبنان انسحب منها اللقب وانكشف سرها واتقلبت حياتها..بيقولوا إنو الغربة والمسؤولية الكبيرة وهيي بهالعمر الصغير، بالإضافة لرغبتها بدخول عالم الشهرة، هنّي اللي سرّعوا بموضوع الخلافات والانفصال..شاركت هيفاء بمسابقة ملكة جمال جنوب لبنان سنة 1992.. بس الفرحة ما كملت، لأنو حدا “وشى” للجنة إنو هيفاء مخبية سر كبير.. القانون كان بيمنع المتزوجات أو الأمهات من المشاركة. لما اكتشفوا إنها متزوجة وعندها بنت (زينب)، سحبوا منها اللقب فوراً، وهالشي كان صدمة كبيرة لإلها وللجمهور بوقتها..هيفاء تزوجت “نصر فياض” وهي بعمر صغير وهالشي كان دارج ببعض العائلات بضيع الجنوب بهيديك الفترة. نصر كان ابن عمتها، وأخدها معه على نيجيريا ليعيشوا سوا هناك بحكم شغله..لما قررت تنفصل وترجع على لبنان لتلحق حلمها، واجهت شرط قاسي من زوجها: “بدك الطلاق؟ بتتركي البنت”..في رواية بتقول إنها اضطرت تحت الضغط توقّع على أوراق بتتنازل فيها عن حضانة زينب مقابل حريتها وطلاقها، لأنو نصر كان رافض يطلقها..وفي رواية تانية بتقول إنها حاولت كتير ترجع بنتها ورفعت قضايا، بس نصر كان مدعوم وعيلته قوية، فمنعها من شوفة بنتها لسنين طويلة..هيدا الانقطاع هو اللي خلى “زينب فياض” تكبر وهيي بعيدة عن إمها، وصار في جفاء كبير و”حرتقات” على السوشيال ميديا من فترة لفترة، بس بالآخر الدم بيحنّ..أول ما رجعت من نيجيريا واتطلقت، اشتغلت بمحل مجوهرات، وبعدها بلشت تطلع بـ “كليبات” كـ موديل، وأشهرهم كليب “إرضى بالنصيب” مع جورج وسوف، ومن هون انطلقت..زينب فياض اليوم هيي “بلوغر” مشهورة، وعندها بنتين (رهف ودانييلا)، يعني هيفاء وهبي حالياً “تيتا” (جدة) لأجمل حفيدتين…

ـمشاهبر لبنان

ـالفنانون العرب

ـمجلة ايليت فوتو ارت