من القصص الملهمة في موضوع النشر العلمي قصة هانز ك..ريبس (Hans Krebs) العالم الألماني الذي اكتشف دورة كريبس المعروفة ايضا بدورة حمض الستريك، اللي هي أساس في عملية التنفس الخلوي وإنتاج الطاقة. تخيل ان بحثه ده رفضته مجلة نيتشر (Nature) سنة 1937 وجبتلك خطاب الرفض كمان عشان تعرف ان لغة الرفض واحدة من زمان (شوف العبارات باللون الاحمر) لكن بعد كده أصبح واحد من اهم الاكتشافات في العلوم البيولوجية وبسببه حصل على جائزة نوبل سنة 1953! تعالى نحكي القصة من البداية…وُلد هانز كريبس في المانيا سنة 1900 وكان والده طبيب أنف وأذن وحنجرة ومنذ صغره انجذب هانز إلى الطب والعلوم. درس الطب في عدة جامعات ألمانية جوتنجن وفرايبورج، لكن شغفه الحقيقي كان في الكيمياء الحيوية ومحاولة فهم ما يجري داخل الخلية، لا مجرد تشخيص المرض.وفي سنة 1932 اكتشف “دورة اليوريا” اللي شرحت إزاي الجسم بيتخلص من النيتروجين الزيادة عن طريق تحويل الأمونيا ليوريا وده كان اكتشاف كبير أسس لسمعته العلمية.ومع صعود النازية في ألمانيا كريبس اللي كان يهودي اتفصل من شغله في فرايبورج سنة 1933 وهرب بعدها لإنجلترا واشتغل أولاً في جامعة كامبريدج وبعدها في شيفيلد وهناك بدأ من جديد.وفي سنة 1937 توصل كريبس إلى واحد من أهم الاكتشافات في تاريخ العلم وهي دورة حمض الستريك المعروفة النهاردة باسم دورة كريبس. هذه الدورة تشرح كيف تحول الخلايا الغذاء من الكربوهيدرات والدهون والبروتينات إلى طاقة. باختصار دورة كريبس هي محطة تحويل الأكل لطاقة داخل كل خلية في جسمك.كريبس حس إن ده اكتشاف كبير فبعث مخطوطة قصيرة (letter) لمجلة نيتشر في 10 يونيو 1937. بس في 14 يونيو، رد عليه الإديتور بالرفض وقال إن المجلة عندها كم كبير من الرسائل اللي هتملأ اعداد المجلة لسبعة أو ثمانية أسابيع، ونصحه ينشرها في مجلة تانية. كريبس كتب في مذكراته إن دي كانت أول رفض يواجهه بعد نشر أكتر من 50 بحث! تخـــــيل!واخيـــرا كريبس نشر البحث في مجلة هولندية اسمها Enzymologia في 1937. مع الوقت، الدورة دي أصبحت أساس في فهم التمثيل الغذائي وساهمت بشكل كبير في تقدم العلوم الطبية والبيولوجية. قبلها كنا عارفين إن الأكل بينتج طاقة، لكن مكناش فاهمين إزاي. لما فهمنا دورة كريبس بقينا فاهمين أساس الحياة نفسه. وفرت للعلماء وسيلة عشان يفهموا أمراض زي السرطان واضطرابات التمثيل الغذائي وفتحت الباب لعلاجات حديثة مبنية على فهم الخلية مش مجرد الأعراض.ولذلك في سنة 1953 حصل هانز كريبس على جائزة نوبل في الطب تكريما على هذا الانجاز الكبيروفي 1988 بعد وفاته بسبع سنين نشرت نيتشر مقالة بيعترف فيها احد المحررين انها كانت اكبر خطأ فادح في تاريخ المجلة!!!والنهارده دورة كريبس موجودة في كل كتب البيولوجيا وبيدرسها ملايين او مليارات الطلاب حول العالم! # عالم المعرفة# مجلة ايليت فوتو ارت