ملخص درس اللغة والفكر 
بربارة هاجر
اولا عدنا تعريف اللغة ومعناها
لغة : هي من فعل لغا = تكلم به لغة الطير هي الاصوات ونغمات وهي الكلام المصطلح عليه من كل قوم

اصطلاحا : يعرفها لالاند
بأنها هي كل نسق رمزي  من الإشارات يمكن أن يستعمل للتواصل  نعطيكم مثال  طريقة لي يتواصل بها نحل كي تكون كاش حاجة هي على شكل ثمانية

تعريف الفكر : هو خاصية يتميز بها كل انسان الوظيفة تاعه هي التعرف على الأشياء وممارسة كل الأنشطة الذهنية 

اه حنا عدنا في هذا درس مقالة  واش هي
هي علاقة اتصال وانفصال
يعني الغة والفكر متصلان ميتفرقوش يبغو بعضهم هنا نسموه اتجاه أحادي  يعني لغة وفكر هما واحد بسكو مهومش متفرقين

اللغة والفكر منفصلان يكرهو بعضهم ميتلاقوش نسموه اتجاه ثنائي يعني كل واحد رآه في جهة

كي يقولك اللغة والفكر متصلان يعني مصطلحات لي باش تعرفهم بلي متصلان يقولك أن علاقة اللغة بالفكر علاقة ضرورية  توفيقية : 
دوك نشرح هدا اتجاه تاع اتصال :
لا توجد لغة بدون فكر  ولا فكر بدون لغة بسكو كاين وحدة عضوية بيناتهم فالالفاظ توضح المعاني وتميزها عن بعضها البعض ومن مستحيل باش نفصلو بين اللغة والفكر بسكو هي ثوب تاعه كي تغيب اللغة يروح فكر  ها انسان بكوش تجي في رأسه هدرة يبغي يقولها ميقدرش 

ثانيا علاقة اللغة بالفكر انفصال يعني ألفاظ مشابهة يقولك علاقة اللغة بالفكر غير ضرورية   اعتباطية  دوك نشرح :
إن اللغة والفكر لا يتناسبان بين ما يملكه الإنسان من معاني وافكار ومايملكه من الفاظ بسكو إن اللغة في بعض الأحيان تكون في أفكارنا حوايج كبار منجموش نعبرو عليهم  لخاتش عالم الفكر اوسع منجموش نلقو كلمات مناسبة لها كيما المشاعر والعواطف 😁😁 ومينجمش الإنسان يفكر ويهدر في نفس الوقت لخاتش الفكر متقدم زمنيا عن اللغة مثلا يقولك شخص كاش حاجة  تقعد تفكر قبل عاد باش تهدر

المهم هاني عطيتكم فقط ملخص صغير
وكي تروحو عند الأساتذة  أو بحثو كي يعطوكم اقوال فلاسفة  تفرقو بين الاتصال والانفصال

مثلا يقولك: نحن نفكر داخل كلمات . هنا باين بلي اتصال بسكو مراهش مفرق بيناتهم

يقولك مثلا : إن اللغة عاجزة عن مسايرة ديمومة الفكر.   ها هنا قالك عاجزة يعني علاقة أنفصال 

مصطلحات فلسفية وعلمية
#مجلة ايليت فوتو ارت